நடிகர் தனுஷ் தனது 50வது படத்தை இயக்கி நடித்துள்ளார். இந்தப் படம் ஜூலை 26ஆம் தேதி வெளியாகி நல்ல வரவேற்பைப் பெற்றது.இந்தப் படத்தில் தனுஷுடன் எஸ். ஜே.சூர்யா, செல்வராகவன், பிரகாஷ் ராஜ், வரலட்சுமி சரத்குமார், அபர்ணா பாலமுரளி உள்ளிட்டோர் நடித்துள்ளனர்.
பல ஹாலிவுட் படங்களைப் போன்று சண்டைக்காட்சிகள் நிறைந்த படம் என்று பலரும் குறிப்பிட்டுள்ளனர். இந்நிலையில் தனுஷுக்கு திரையுலகினர் பலரும் வாழ்த்து தெரிவித்து வருகின்றனர். ஆஸ்கார் விருதுகளை வழங்கும் அகாடமி ஆஃப் மோஷன் பிக்சர் ஆர்ட்ஸ் அண்ட் சயின்சஸ், ராயனின் திரைக்கதை அதன் நூலகத்தில் வைக்க தேர்வு செய்துள்ளது. இந்த தகவலை ராயனின் தயாரிப்பு நிறுவனமான சன் பிக்சர்ஸ் தெரிவித்துள்ளது.
இந்த தகவல் இயக்குனர் தனுஷ் மற்றும் படக்குழுவினரை மகிழ்ச்சியில் ஆழ்த்தியுள்ளது. இது தனுஷுக்கு கிடைத்த பெரிய கவுரவம் என பலரும் பாராட்டி வருகின்றனர்.
