‘சுந்தரா டிராவல்ஸ் சூப்பர் ஃபாஸ்ட்’ என்ற பெயரில் உருவாகி வருகிறது. முரளி, வடிவேலு கூட்டணியில் 2002-ல் வெளியானது ‘சுந்தரா டிராவல்ஸ்’. இதன் நகைச்சுவைக் காட்சிகள் நல்ல வரவேற்பைப் பெற்றதோடு படம் வெற்றியும் பெற்றது. தற்போது இதன் இரண்டாம் பாகம் உருவாகி வருகிறது. ‘சுந்தரா டிராவல்ஸ் சூப்பர் ஃபாஸ்ட்’ என படக்குழு பெயரிட்டுள்ளது.
இதில் கருணாஸ், கருணாகரன், ‘ஆடுகளம்’ முருகதாஸ், சாம்ஸ் மற்றும் பலர் நடித்துள்ளனர். இவர்களுடன் பிரபல தயாரிப்பாளர் செவன்த் சேனல் நாராயணனும் நடிகராக அறிமுகமாகிறார். மேலும் இப்படத்தின் மூலம் விக்னேஷ், அஞ்சலி இருவரும் அறிமுகமாகிறார்கள். கருப்பு தங்கம் இயக்கியுள்ள இப்படத்திற்கு ஒளிப்பதிவாளராக செல்வாவும், இசையமைப்பாளர் ஹரிஹரன். படம் குறித்து இயக்குநர் கருப்பு தங்கம் கூறும்போது, “இந்தக் கதையில் பேருந்துதான் ஹீரோ.
அதைச் சுற்றி அனைத்து கதாபாத்திரங்களையும் உருவாக்கியுள்ளோம். இதற்காக பஸ்சை வாங்கி படத்திற்கு ஏற்றவாறு தயார் செய்துள்ளோம். கொடைக்கானல், பன்றிமலை போன்ற இடங்களில் உள்ள அடர்ந்த காடுகளிலும், தென்காசி, காரைக்குடி, சென்னை போன்ற இடங்களிலும் படமாக்கியுள்ளோம். தற்போது இரண்டாம் கட்ட படப்பிடிப்பு நடந்து வருகிறது” என்றார்.
