சூப்பர்மேன் டிசி காமிக்ஸின் பிரபலமான பாத்திரம். 70களில் இருந்து அவ்வப்போது இதை அடிப்படையாகக் கொண்ட திரைப்படங்கள் வெளியாகி வருகின்றன. ஜாக் ஸ்னைடர் இயக்கிய கடைசி டி.சி. படங்களில் ஹென்றி கெவில் சூப்பர்மேனாக நடித்தார். ஹென்றி கேவில் டி.சி. காமிக்ஸ் உடனான ஒப்பந்தம் காலாவதியானதால் டி.சி. படங்களில் இருந்து விலகியுள்ளார்.
மார்வெலின் ‘கார்டியன்ஸ் ஆஃப் தி கேலக்ஸி’ படங்களை இயக்கிய ஜேம்ஸ் கன், தற்போது டி.சி. ஜேம்ஸ் கன் புதிய சூப்பர்மேன் படத்தை இயக்கி முடித்துள்ளார். இதில் டேவிட் கோரன்ஸ்வெட் சூப்பர்மேனாக நடிக்கிறார். இந்நிலையில் தற்போது புதிய சூப்பர்மேனின் ஃபர்ஸ்ட் லுக் போஸ்டரை டிசி வெளியிட்டுள்ளது.
மேலும் படத்தின் டிரைலர் வெளியீட்டு தேதியையும் அறிவித்துள்ளது. அதன்படி இப்படத்தின் டிரைலர் வியாழக்கிழமை வெளியாகிறது. மேலும் இப்படம் வரும் ஜூலை 11-ம் தேதி திரையரங்குகளில் வெளியாகும் என படக்குழு அறிவித்துள்ளது.மார்வெல் நிறுவனத்திற்கு ஜேம்ஸ் கன் தொடர்ந்து வெற்றி படங்களை கொடுத்துள்ளார்.
டிசி நிறுவனத்துடன் இணைந்து இவர் இயக்குவது இதுவே முதல் முறை என்பதாலும், நீண்ட இடைவெளிக்குப் பிறகு வெளிவரும் முதல் தனி ஒருவன் சூப்பர்மேன் படம் என்பதாலும் இப்படத்திற்கு உலகம் முழுவதும் பெரும் எதிர்பார்ப்பு நிலவுகிறது.
