பா.ரஞ்சித் இயக்கத்தில் விக்ரம் நடித்துள்ள “தங்கலான்” திரைப்படம் இன்று ஆகஸ்ட் 15ஆம் தேதி வெளியானது. இப்படம் ரசிகர்கள் மற்றும் விமர்சகர்கள் மத்தியில் நல்ல வரவேற்பை பெற்றுள்ளது. இப்படத்திற்கு சூர்யா, தனுஷ், சீமான் உள்ளிட்ட திரையுலக பிரபலங்கள் வாழ்த்து தெரிவித்துள்ளனர்.
தனுஷ் எழுதியுள்ள பதிவில், “தங்கலான்” படத்தின் வெற்றிக்கு எனது மனமார்ந்த வாழ்த்துக்கள். படத்தில் அனைவரும் கடுமையாக உழைத்துள்ளனர். குறிப்பாக விக்ரம் சார் எப்போதும் போல் கடினமாக உழைத்துள்ளார். படம் மாபெரும் வெற்றியடைய வேண்டும். ஓம் நமச்சிவாய” என்று பதிவிட்டுள்ளார்.
நாம் தமிழர் கட்சியின் தலைமை ஒருங்கிணைப்பாளர் சீமான் பேசுகையில், “ஆரம்பகாலத் தமிழர்களின் வாழ்க்கையை ரத்தமும் சதையுமாக சித்தரித்துள்ள தங்கலான் திரைப்படம், தமிழ்த் திரையுலகம் உலக அரங்கில் உயரும் என்ற நம்பிக்கையை ஏற்படுத்துகிறது. பா.ரஞ்சித், விக்ரம், ஜி.வி.பிரகாஷ் மற்றும் படத்திற்காக உழைத்த அனைத்து திரையுலகினருக்கும் எனது பாராட்டுகள்.”
நடிகை கீர்த்தி சுரேஷ் கூறுகையில், “ஒரு காலத்தில் அன்னியன் போஸ்டர்கள் என் ஸ்டடி டேபிளில் இருந்தன. இப்போது விக்ரம் சாருடன் எனது படம் ரிலீஸ் ஆவதில் மகிழ்ச்சி அடைகிறேன். வாழ்த்துகள் சியான் சார்” என்றார்.
இப்படத்தின் வெற்றிக்கான எதிர்பார்ப்பு எகிறியுள்ளது மேலும் இது தமிழ் சினிமாவின் மேலும் வளர்ச்சிக்கு உதவும் என நம்பப்படுகிறது.
