கார்த்திக் சுப்புராஜ் இயக்கத்தில் சூர்யா நடிப்பில் உருவாகியுள்ள படம் ‘ரெட்ரோ’. இது தொடர்பான டீசரையும் படக்குழு வெளியிட்டுள்ளது. கார்த்திக் சுப்புராஜ் இயக்கத்தில் சூர்யா நடிப்பில் உருவாகியுள்ள படம் ‘ரெட்ரோ’. என்ற தலைப்புடன் டீசரையும் படக்குழு வெளியிட்டுள்ளது.
முழுக்க முழுக்க காதலை மையமாக வைத்து எடுக்கப்பட்ட படம் என்று படத்தின் கதை குறித்து கார்த்திக் சுப்புராஜ் ஒரு பேட்டியில் கூறியிருந்தது நினைவுகூரத்தக்கது. ‘கங்குவா’ சர்ச்சைக்குப் பிறகு வெளியாகும் படம் ‘ரெட்ரோ’. மார்ச் மாதம் படத்தை வெளியிட படக்குழு முடிவு செய்துள்ளது. இப்படத்தை 2டி புரொடக்ஷன்ஸ் மற்றும் ஸ்டோன் பெஞ்ச் புரொடக்ஷன்ஸ் இணைந்து தயாரித்துள்ளது.
இப்படத்தின் படப்பிடிப்பை ஒருகட்டமாக முடித்த படக்குழு, இறுதிக்கட்டப் பணிகளில் கவனம் செலுத்தி வருகிறது. இதில் சூர்யாவுடன் ஜெயராம், ஜோஜு ஜார்ஜ், பூஜா ஹெக்டே, கருணாகரன் உள்ளிட்ட பலர் நடித்துள்ளனர். சந்தோஷ் நாராயணன் இசையமைப்பாளராகவும், ஸ்ரேயாஸ் கிருஷ்ணா ஒளிப்பதிவாளராகவும் பணியாற்றியுள்ளனர்.
இப்படத்தின் வேலைகளை முடித்துவிட்டு ஆர்ஜே பாலாஜி இயக்கும் படத்தில் கவனம் செலுத்தி வருகிறார் சூர்யா. நேற்று முதல் இப்படத்தின் தலைப்பு ‘ஜானி’ என இணையத்தில் பரவி வருகிறது. இதற்கு படக்குழு எந்த பதிலும் தெரிவிக்கவில்லை என்பது குறிப்பிடத்தக்கது.
