‘டெஸ்ட்’ திரைப்படம் சில மாதங்களுக்கு முன் முடிவடைந்து ரிலீசுக்கு தயாராக உள்ள படம். இதன் ஒரு சிறிய டீசர் மட்டும் வெளியாகியுள்ளது. தற்போது இப்படத்தின் டீசர் வெளியாகி படம் நேரடியாக ஓடிடி தளத்தில் வெளியாகும் என அறிவிக்கப்பட்டுள்ளது. அதன் உரிமையை Netflix பெற்றுள்ளது. மார்ச் அல்லது ஏப்ரலில் வெளியாகும் என எதிர்பார்க்கப்படுகிறது.
ஒய் நாட் மூலம் பல படங்களை தயாரித்த சசிகாந்த், ‘டெஸ்ட்’ படத்தின் மூலம் இயக்குநராக அறிமுகமாகிறார். இதில் சித்தார்த், மாதவன், நயன்தாரா மற்றும் பலர் முக்கிய வேடங்களில் நடித்துள்ளனர். கிரிக்கெட்டை மையமாக வைத்து எடுக்கப்பட்ட படம். ‘டெஸ்ட்’ படத்திற்கு பெரும் எதிர்பார்ப்பு நிலவி வரும் நிலையில், நேரடியாக ஓடிடி தளத்தில் வெளியிட படக்குழு முடிவு செய்துள்ளது.
ஓடிடி நிறுவனம் படங்கள் வாங்குவதைக் குறைத்துவிட்டதாகவும், இனி ஓடிடி வணிகத்தை அடிப்படையாகக் கொண்ட படங்களைத் தயாரிக்க முடியாது என்றும் செய்திகள் பரவி வரும் நிலையில், ‘டெஸ்ட்’ படத்தின் நேரடி ஓடிடி வெளியீட்டை Netflix எடுத்துக்கொண்டது குறிப்பிடத்தக்கது.
