சென்னை: ஆங்கில புத்தாண்டு தினமான இன்று ரெட்ரோ படத்தின் போஸ்டரை வெளியிட்டு இயக்குநர் கார்த்திக் சுப்பராஜ் புத்தாண்டு வாழ்த்து தெரிவித்துள்ளார்.
சூர்யாவின் 44வது படமான ‘ரெட்ரோ’ திரைப்படத்தை பிரபல இயக்குநர் கார்த்திக் சுப்பராஜ் இயக்கியுள்ளார்.
படத்தில் சூர்யா இரட்டை வேடங்களில் நடித்து இருப்பதாக தகவல் வெளியாகியுள்ளது. இப்படத்தில் கதாநாயகியாக பூஜா ஹெக்டே நடித்துள்ளார். ஜோஜூ ஜார்ஜ், கருணாகரன், ஜெயராம் ஆகியோர் இப்படத்தில் முக்கிய கதாபாத்திரங்களில் நடித்துள்ளனர்.
கிறிஸ்துமஸ் பண்டிகையை முன்னிட்டு ‘ரெட்ரோ’ படத்தின் டைட்டில் டீசரை படக்குழு வெளியிட்டது. படத்தின் டைட்டில் டீசர் வீடியோ ரசிகர்கள் மத்தியில் பெரும் வரவேற்பை பெற்றது. இதனை தொடர்ந்து இப்படம் இந்த ஆண்டு கோடை காலத்தில் வெளியாகும் என்று ஏற்கனவே அறிவிப்பு வெளியானது.
இந்த நிலையில், ஆங்கில புத்தாண்டு தினமான இன்று படத்தின் போஸ்டரை வெளியிட்டு இயக்குநர் கார்த்திக் சுப்பராஜ் புத்தாண்டு வாழ்த்து தெரிவித்துள்ளார். இதனை ரசிகர்கள் இணையத்தில் வைரலாக்கி வருகின்றனர்.
