சென்னை: சிவகார்த்திகேயன் நடித்துள்ள அமரன் படத்தின் டப்பிங் பணிகளை படக்குழுவினர் அதிகாரப்பூர்வமாக முடித்துள்ளனர். இப்படம் தீபாவளியை முன்னிட்டு திரையரங்குகளில் வெளியாகிறது.
அமரன் படத்தை கமல்ஹாசனின் ராஜ்கமல் பிலிம்ஸ் இன்டர்நேஷனல் மற்றும் சோனி பிக்சர்ஸ் இணைந்து தயாரித்துள்ளனர். இதில் சிவகார்த்திகேயன் ஹீரோவாக நடிக்கிறார். சாய் பல்லவி முக்கிய வேடத்தில் நடித்துள்ளார்.
‘ரங்கூன்’ இயக்குனர் ராஜ்குமார் பெரியசாமி இயக்கியுள்ள இப்படத்திற்கு ஜி.வி.பிரகாஷ் இசையமைத்துள்ளார். ராணுவ மேஜர் முகுந்த் வரதராஜனின் வாழ்க்கைச் சம்பவங்கள் மற்றும் ராகுல் சிங் மற்றும் ஷிவ் அரூர் எழுதிய ‘இந்தியாஸ் மோஸ்ட் ஃபியர்லெஸ்: ட்ரூ ஸ்டோரிஸ் ஆஃப் மாடர்ன் மிலிட்டரி’ என்ற புத்தகத்தை அடிப்படையாகக் கொண்டு இப்படம் உருவாக்கப்பட்டுள்ளது.
சிவகார்த்திகேயன் ராணுவ வீரராக நடித்துள்ளார். படத்தின் டிஜிட்டல் உரிமையை 55 கோடி ரூபாய்க்கு நெட்பிளிக்ஸ் வாங்கியுள்ளதாக செய்திகள் வெளியாகின. சிவகார்த்திகேயன் நடித்த படங்களில் இதுவே அதிக வசூல் என்று கூறப்படுகிறது.
இந்நிலையில், படத்தின் டப்பிங் பணிகள் முடிந்துவிட்டதாக படக்குழு அறிவித்துள்ளது. இப்படம் தீபாவளி பண்டிகையை முன்னிட்டு அக்டோபர் 31-ம் தேதி திரையரங்குகளில் வெளியாகும் என அறிவிக்கப்பட்டுள்ளது.
