முதலீட்டாளர்கள் அனைவருக்கும் நல்ல லாபம் கிடைத்துள்ளதால், மணிகண்டனின் ‘குடும்பஸ்தன்’ குழுவினர் மிகுந்த மகிழ்ச்சியில் உள்ளனர். சமீபத்தில் வெளியான ‘குடும்பஸ்தன்’ திரைப்படம் தயாரிப்பாளர்கள், விநியோகஸ்தர்கள், திரையரங்கு உரிமையாளர்கள் என அனைவருக்கும் நல்ல லாபத்தை சம்பாதித்தது. இந்த வருடத்தின் முதல் வசூலை பொறுத்தமட்டில் மிகப்பெரிய வெற்றி என வர்த்தக நிபுணர்கள் தெரிவித்துள்ளனர்.
இந்தப் படத்துக்குப் பிறகு வெளியான ‘விடாமுயற்சி’ உட்பட எந்தப் படமும் அதிக லாபம் ஈட்டும் அளவுக்கு வரவேற்பைப் பெறவில்லை. இதன் காரணமாக பல்வேறு திரையரங்குகளில் ‘குடும்பஸ்தன்’ மீண்டும் திரையிடப்பட்டு வருவது குறிப்பிடத்தக்கது. இப்படத்தின் வசூல் ரூ. 25 கோடியை தாண்டும் என்று கூறப்படுகிறது. படத்தின் OTT மற்றும் தொலைக்காட்சி உரிமைகள் அனைத்தும் விற்றுவிட்டதால், ‘குடும்பஸ்தன்’ படத்தின் மூலம் தயாரிப்பாளருக்கு நல்ல லாபம் கிடைக்கும் என்பது உறுதி.
‘நக்கலைட்ஸ்’ ராஜேஷ்வர் காளிசாமி இயக்கிய ‘குடும்பஸ்தன்’ படத்தில் மணிகண்டன், சான்வி மேக்னா, குரு சோமசுந்தரம், ஆர்.சுந்தரராஜன் மற்றும் பலர் நடித்திருந்தனர். சுஜித் சுப்ரமணியம் ஒளிப்பதிவு செய்துள்ளார், வைஷாக் இசையமைத்துள்ளார். இப்படத்தை எஸ்.வினோத்குமார் தயாரித்துள்ளார்.
