சென்னை: அஜித்குமாரின் ‘விடாமுயற்சி’ படத்தின் முதல் சிங்கிள் நாளை வெளியாக உள்ளது. மகிழ் திருமேனி இயக்கத்தில் அஜித்குமார் நடிப்பில் உருவாகியுள்ள படம் ‘விடாமுயற்சி’. லைகா நிறுவனம் தயாரிக்கும் இந்த படத்திற்கு அனிருத் இசையமைக்கிறார்.
த்ரிஷா, அர்ஜுன், ரெஜினா, ஆரவ் மற்றும் பலர் முக்கிய வேடங்களில் நடித்துள்ளனர். இப்படத்தின் படப்பிடிப்பு அஜர்பைஜானில் நடைபெற்றது. இப்படம் பொங்கலுக்கு வெளியாகும் என அதிகாரப்பூர்வமாக அறிவிக்கப்பட்டுள்ளது. இந்த படத்தின் படப்பிடிப்பு சமீபத்தில் முடிவடைந்தது.
இந்நிலையில் ‘விடாமுயற்சி’ படத்தின் முதல் சிங்கிள் பாடல் நாளை வெளியாகிறது. இது அஜித், த்ரிஷா சம்பந்தப்பட்ட காதல் பாடல் என்று அறிவிக்கப்பட்டுள்ளது. ‘விடாமுயற்சி’ படத்தின் டீசரை மட்டும் இதுவரை வெளியிட்ட படக்குழுவினர், அடுத்தடுத்து பாடல்கள் மற்றும் டிரைலரை வெளியிட்டு படத்தை விளம்பரப்படுத்த படக்குழு முடிவு செய்துள்ளது.
