சூர்யா நடிக்கும் ‘ரெட்ரோ’ படத்தின் முதல் பாடல் பிப்ரவரி 13 ஆம் தேதி வெளியாகும் என அறிவிக்கப்பட்டுள்ளது. ‘கங்வா’ படத்தைத் தொடர்ந்து, கார்த்திக் சுப்பராஜ் இயக்கும் ‘ரெட்ரோ’ என்ற படத்தில் சூர்யா நடித்து முடித்துள்ளார். இந்தப் படத்தை ஜோதிகா மற்றும் சூர்யாவின் 2D என்டர்டெயின்மென்ட்ஸ் தயாரிக்கிறது.
பூஜா ஹெக்டே, ஜோஜு ஜார்ஜ், ஜெயராம், நாசர், பிரகாஷ் ராஜ் மற்றும் பலர் இதில் முக்கிய வேடங்களில் நடிக்கின்றனர். இந்தப் படத்திற்கு சந்தோஷ் நாராயணன் இசையமைத்துள்ளார். படத்தின் அறிவிப்பு வீடியோ ரசிகர்களிடையே நல்ல வரவேற்பைப் பெற்றுள்ளது.
இந்தச் சூழலில், படத்தின் முதல் பாடலான ‘கண்ணாடி பூவே’ பிப்ரவரி 13 ஆம் தேதி வெளியாகும் என்று படக்குழு அறிவித்துள்ளது. ‘ரெட்ரோ’ படம் மே 1 ஆம் தேதி திரையரங்குகளில் வெளியாகும் என்றும் அறிவிக்கப்பட்டுள்ளது.
அதேபோல், இயக்குனர் ஆர்.ஜே. பாலாஜி இயக்கத்தில் சூர்யா அடுத்து நடிக்கிறார். இந்தப் படத்தின் படப்பிடிப்பு தற்போது நடைபெற்று வருகிறது. மேலும், ‘வாடிவாசல்’ படத்தில் நடிக்க சூர்யா ஒப்பந்தத்தில் கையெழுத்திட்டுள்ளதாகவும் கூறப்படுகிறது.
