‘சோழநாட்டான்’ படத்தில் உதய் கார்த்திக், லுத்தூஃப், சௌந்தரராஜா, நரேன், சீதா, பரணி மற்றும் விக்னேஷ் ஆகியோர் நடிக்கின்றனர். பட்டுக்கோட்டை ரஞ்சித் கன்னா இயக்குகிறார். எஸ்.ஆர். சதீஷ்குமார் ஒளிப்பதிவு செய்கிறார், எஃப்.எஸ். பைசல் இந்த படத்திற்கு இசையமைக்கிறார்.
மும்பை தொழிலதிபர் மாரியப்பன் முத்தையா, செவன் ஹில்ஸ் மூவி மேக்கர் என்ற நிறுவனம் மூலம் இதை தயாரிக்கிறார். இதன் தொடக்க விழா சென்னையில் நடைபெற்றது. படத்தைப் பற்றிப் பேசுகையில், பட்டுக்கோட்டை ரஞ்சித் கன்னா, “இது தஞ்சாவூரில் தொடங்கி சென்னையில் தொடரும் கதையைக் கொண்ட படம்.
ரெக்லா பந்தயத்தின் பின்னணியில் உருவாகும் இந்தப் படம், மலைவாழ் மக்களின் பெரும் துன்பங்களை அம்பலப்படுத்துகிறது. இதில் ஒரு பிரபல நடிகர் வில்லனாக நடிக்கிறார். அவரைப் பற்றிய விவரங்கள் பின்னர் வெளியிடப்படும்.
சோழர்களின் பூமியான தஞ்சாவூர் மண்ணின் தனித்துவத்தை திரையில் சொல்லும் வகையில் இந்தப் படம் தயாராகி வருகிறது” என்றார்.
