‘மில்லியன் டாலர் ஸ்டுடியோஸ்’ நிறுவனம், குட்னைட் மற்றும் லவ்வர் படங்களின் மூலம் பெரும் கவனத்தை பெற்றது. தற்போது, இது ஐந்து புதிய படங்களைத் தயாரித்து வருகிறது. அதில் சசிகுமார் மற்றும் சிம்ரன் நடித்த டூரிஸ்ட் பேமிலி படமும் ஒன்று.
இந்த படத்தின் டீசர், சில மாதங்களுக்கு முன்னர் இணையத்தில் வெளியானதும், பெரும் வரவேற்பைப் பெற்றது. இதில் இலங்கை தமிழ் பேசும் ஒரு குடும்பம் ரகசியமாக ஊரைவிட்டு கிளம்புவதாகவும், அதில் நடக்கும் சுவாரஸ்யமான சம்பவங்களும் இடம்பெற்றதாக அதன் டீசர் குறிப்பிடப்பட்டது. இதன் காரணமாக, படத்துக்கு நல்ல எதிர்பார்ப்பு உருவாகியுள்ளது, மற்றும் மே 1-ஆம் தேதி படம் ரிலீஸாக இருக்கிறது.
இன்றைய இசை மற்றும் டிரைலர் வெளியீட்டு விழாவில் பேசிய சசிகுமார், தனது அயோத்தி படத்தில் நடந்த ஒரு நன்மையைப் பற்றி பகிர்ந்தார். அவர் கூறியதாவது, அயோத்தி படத்தில் இறந்தவர்களின் உடலை விமானத்தில் கொண்டு செல்லும் நடைமுறையை எளிமைப்படுத்தியது. மேலும், ஒரு லட்சம் வரை மானியம் கொடுப்பதாகவும், இதன் மூலம் 500 குடும்பங்களுக்கு பயன் ஏற்பட்டதாகவும் தெரிவித்தார். “இது எனக்கே தெரியாமல் நடந்த நல்ல வேலை” என்று அவர் கூறினார்.
