இந்திய கிரிக்கெட்டில் தனித்துவமான இடம் பிடித்தவர் சச்சின் டெண்டுல்கர். அவரை ரசிகர்கள் “லிட்டில் மாஸ்டர்”, “மாஸ்டர் பிளாஸ்டர்”, “கிரிக்கெட்டின் கடவுள்” என பாசமுடன் அழைத்துள்ளனர். சர்வதேச அரங்கில் இந்தியாவை உயர்த்தியவர் என்ற பெருமை அவருக்கே உரியது. சதங்களில் சதம் எட்டியவர் எனும் சாதனையை இன்றும் யாரும் முறியடிக்க முடியவில்லை. அதிக ரன்கள் பெற்றவர் என்ற பெரும் சாதனைவும் அவருக்கே சொந்தம். எந்த வீரரும் அவர் சாதனைக்கு நெருங்க முடியாது என்பது ரசிகர்கள் கருத்து.
சச்சின் எப்படி நேர்மையாக கிரிக்கெட்டில் விளையாடினாரோ, அப்படியே வாழ்க்கையிலும் வாழ்ந்தவர். அவர் தனிப்பட்ட குணநலன்கள் காரணமாகவும், அனைவராலும் மதிக்கப்படுகிறார். பத்து வருடங்களுக்கு முன் ஓய்வு பெற்றார் என்றாலும், அவரை பற்றிய செய்திகள் தொடர்ந்து பேசப்படுகின்றன.
சமீபத்தில் நடிகை ஷில்பா ஷிரோத்கர் சச்சின் குறித்து பேசிய பேட்டி வைரலாகியுள்ளது. 1991-ம் ஆண்டு “ஹம்” பட ஷூட்டிங்கின் போது சச்சினை முதன்முறையாக பார்த்ததாகவும், அவர் அஞ்சலியையே அப்போது காதலித்ததாகவும் கூறியுள்ளார். சச்சின், ஷில்பா உறவினரின் வீட்டுக்கு அருகில் வாழ்ந்ததால் அவரை கிரிக்கெட் விளையாடும் போது பார்த்துள்ளாராம்.
அதே சமயம், தன்னை சச்சின் காதலிக்கவில்லை என்றும், ஊடகங்கள் தவறாக புரிந்து கொண்டதாகவும் ஷில்பா கூறியுள்ளார். உண்மையில் சச்சின் அப்போது அஞ்சலியை காதலித்துக் கொண்டிருந்ததாக அவர் வெளிப்படுத்தியுள்ளார். இது ரசிகர்கள் மத்தியில் பெரும் கவனம் பெற்றுள்ளது.
