லோகேஷ் கனகராஜ் இயக்கத்தில் ரஜினிகாந்த் நடிப்பில் உருவாகி வரும் படம் ‘கூலி’. கன்னட நடிகர் உபேந்திராவின் கேரக்டர் போஸ்டரை படக்குழு வெளியிட்டுள்ளது.
கடந்த சில நாட்களாக ‘கூலி’ படக்குழுவினர் போஸ்டர்கள் மூலம் படத்தில் நடிக்கும் நடிகர்களின் கதாபாத்திரங்களை அறிமுகப்படுத்தி வருகின்றனர். சன் பிக்சர்ஸ் இந்தப் படத்தைத் தயாரிக்கிறது.
ரஜினிகாந்த் மற்றும் லோகேஷ் கனகராஜ் முதன்முறையாக இணைந்து பணியாற்றுகின்றனர். அனிருத் இசையமைக்கிறார். கிரீஷ் கங்காதரன் ஒளிப்பதிவை கவனிக்கிறார். இப்படம் பான் இந்தியன் படமாக உருவாகி வருகிறது.
இதில் தமிழ், தெலுங்கு, மலையாளம், கன்னடம் என பல மொழிகளில் நடித்து வரும் நடிகர்கள் முக்கிய வேடங்களில் நடிக்கின்றனர்.
இதுவரை இந்தப் படத்தில் நடித்துள்ள சௌபின் ஷேர், நாகார்ஜுனா, ஸ்ருதிஹாசன், சத்யராஜ் ஆகியோரின் கதாபாத்திரங்களை போஸ்டர் மூலம் படக்குழு அறிமுகப்படுத்தியுள்ளது. அந்த வகையில் இந்த படத்தில் தற்போது நடித்து வரும் உபேந்திராவின் கதாபாத்திரம் அறிமுகமாகியுள்ளது.
இதில் ‘கலீஷா’வாக நடிக்கிறார். இமைகளைத் தூக்க உதவும் நெம்புகோல் அவர் கையில் உள்ளது. இது தங்கத்தில் சிறப்பிக்கப்பட்டுள்ளது.
