கடந்த சில நாட்களாக ‘வணங்கான்’ படம் பொங்கலுக்கு வெளியாகாது என செய்திகள் வெளியாகி வந்தது. ‘விடாமுயற்சி’, ‘கேம் சேஞ்சர்’ போன்ற படங்கள் வெளியாவதால் திரையரங்குகள் கிடைக்காது என்று கூறப்பட்டது. தற்போது இதற்கு முற்றுப்புள்ளி வைக்கும் விதமாக ‘வணங்கான்’ படம் ஜனவரி 10-ம் தேதி வெளியாகும் என படக்குழு அதிகாரப்பூர்வமாக அறிவித்துள்ளது.
பாலா இயக்கத்தில் அருண் விஜய், ரோஷ்னி பிரகாஷ், சமுத்திரக்கனி, மிஷ்கின் மற்றும் பலர் நடித்துள்ள படம் ‘வணங்கான்’. ஆரம்பத்தில் சூர்யா நடித்து தயாரித்து வந்தார். பின்னர் கருத்து வேறுபாடு காரணமாக அருண் விஜய்யை வைத்து இயக்கி முடித்தார் பாலா. படத்தை சுரேஷ் காமாட்சி தயாரித்துள்ளார். ஜி.வி. பிரகாஷ் பாடல்களுக்கும், சாம் சிஎஸ் பின்னணி இசைக்கும் பணிபுரிந்துள்ளனர். அதன் விளம்பரப் பணிகள் முழுவீச்சில் நடைபெற்று வருகின்றன.
