கமல் ஹாசன் நடிப்பில் சமீபத்தில் இந்தியன் 2 திரைப்படம் வெளியானது, ஆனால் படம் பெரிய தோல்வியை சந்தித்தது. தற்போது அவர் மணிரத்னம் இயக்கத்தில் “தக் லைஃப்” படத்தில் நடித்துக் கொண்டிருக்கிறார்.
மேலும் அன்பறிவ் இயக்கத்தில் ஒரு புதிய படத்திலும் கமிட்டாகியுள்ளார். தயாரிப்பிலும் தன்னை உற்சாகமாக செலவழிக்கும் கமல், பல புதிய படங்களை தயாரித்து வருகிறார்.கமல் தனது தனிப்பட்ட வாழ்க்கையை பொதுவெளியில் வெகுவாக விவாதிக்க மறுப்பவர் என்றாலும், அவரது திருமணங்கள் பரபரப்பாகவே மாறியுள்ளன.
அவருடைய முதல் மனைவி வாணி கணபதி சமீபத்தில் அளித்த பேட்டியில் கமலின் சில செயல்களை வெளிப்படுத்தியுள்ளார். வாணி கூறியதாவது, “நாங்கள் விவாகரத்து பெற்று 28 ஆண்டுகள் ஆகிவிட்டன.
இது எனக்கு மிக தனிப்பட்ட விஷயம், ஆனால் இதை சமீபத்தில் நான் வெளிப்படுத்த வேண்டியதாயிற்று. கமல் நம் இருவரும் பயன்படுத்திய பொருட்களை எனக்கு திருப்பி கொடுக்கவே மறுத்துவிட்டார்.
மேலும், அவருடைய ஈகோ காயப்பட்டதால் தான் இவ்வளவு பிரச்சனைகள் ஏற்பட்டன.”அவருடைய பேச்சுகள் ரசிகர்களிடையே அதிர்ச்சியை ஏற்படுத்தியுள்ளதோடு, கமலின் வாழ்க்கை குறித்து மீண்டும் விவாதங்களை தூண்டியிருக்கிறது.
