விழுப்புரம்: த.வெ.க. தலைவர் விஜய்க்கு வெங்கட் பிரபு, நெல்சன் மற்றும் பலர் வாழ்த்து தெரிவித்துள்ளனர்.
விழுப்புரம் மாவட்டம், விக்கிரவாண்டியில் உள்ள வி.சாலையில் தமிழக வெற்றிக் கழகத்தின் முதல் மாநாடு பிரம்மாண்டமாக நடந்தது.
மாநாட்டு திடலில் சுமார் ஒரு லட்சம் பேர் அமர்ந்து பார்க்கும் வகையில் இருக்கைகள் ஏற்பாடு செய்திருந்தனர். இந்நிலையில், பிரம்மாண்டமாக காட்சி அளிக்கும் மாநாட்டு திடலில் அதிகாலை முதலே பல்வேறு பகுதிகளில் இருந்து தொண்டர்கள் குவிந்தனர்.
அரசியலில் களம் இறங்கியுள்ள விஜய்க்கு பல்வேறு திரைபிரபலங்கள் வாழ்த்து தெரிவித்துள்ளனர். இந்நிலையில், தனது புதிய பயணத்தை தொடங்கியுள்ள விஜய் சாருக்கு எனது மனமார்ந்த வாழ்த்துகள் என்று நடிகர் சிவகார்த்திகேயன் வாழ்த்து தெரிவித்துள்ளார்.
நெல்லையில் செய்தியாளர்களை சந்தித்து பேசிய நடிகை ரெஜினா, “விஜய் வெற்றிகரகமான நடிகர். வெற்றிகரமான அரசியல்வாதியாகவும் வருவார்” என்று அரசியல்வாதியாக களமிறங்கியுள்ள விஜய்க்கு வாழ்த்து தெரிவித்தார். தொடர்ந்து நடிகர் விஜய் சேதுபதி தவெக தலைவர் விஜய் சாருக்கும், தொண்டர்களுக்கும் வாழ்த்துக்கள்”. என கூறியுள்ளார்.
திரைப்பிரபலங்களான கார்த்திக் சுப்பராஜ், வெங்கட் பிரபு, நெல்சன் திலிப்குமார், ஜெயம் ரவி, பிரசன்னா, ஆர்.ஜே பாலாஜி, அர்ஜூன் தாஸ், அஷ்வத் மாரிமுத்து ஆகியோர் அவர்களின் வாழ்த்துகளை சமூக வலைத்தளத்தில் பதிவிட்டுள்ளனர்.
