ஹைதராபாத்: விஜய் தேவரகொண்டா சமீபத்தில் ஹைதராபாத்தில் சூர்யா மற்றும் பூஜா ஹெட்டி நடித்த ரெட்ரோ திரைப்பட விழாவில் கலந்து கொண்டார். பஹல்காம் தாக்குதல் குறித்துப் பேசுகையில், “பயங்கரவாதிகள் 500 ஆண்டுகளுக்கு முன்பு இருந்த பழங்குடியினரைப் போல அறிவைப் பயன்படுத்தாமல் போராடுகிறார்கள்” என்றார்.
தனது சர்ச்சைக்குரிய கருத்துகளுக்கு மத்தியில், தெலுங்கானா பழங்குடி வழக்கறிஞர்கள் சங்கத் தலைவர் கிஷன் ராஜ் சவுகான் எஸ்.ஆர். நகர் காவல் நிலையத்தில் விஜய் தேவரகொண்டா மீது புகார் அளித்தார். இந்த சூழ்நிலையில், சர்ச்சை குறித்து விஜய் தேவரகொண்டா வருத்தம் தெரிவித்தார்.
அவர் இன்ஸ்டாகிராமில் கூறியதாவது:- நான் பழங்குடி சமூகத்தை மிகவும் மதிக்கிறேன். அவர்களை புண்படுத்துவது எனது நோக்கமல்ல. வரலாற்று அகராதியில் உள்ள அர்த்தத்தைக் குறிக்கும் நோக்கத்துடன் ரெட்ரோ திரைப்பட விழாவில் பழங்குடி என்ற வார்த்தையைப் பயன்படுத்தினேன். இருப்பினும், நான் சொன்னது யாரையாவது புண்படுத்தியிருந்தால், அதற்காக நான் மன்னிப்பு கேட்டுக்கொள்கிறேன்.
