தியாகராஜன் இயக்கத்தில் பிரசாந்த் நடித்த அந்தகன் பாலிவுட் படமான அந்தாதூன்னின் ரீமேக் ஆகும். இந்தப் படம் உருவாகி சில வருடங்கள் ஆன பிறகும் வெளியாகாமல் முடங்கிக் கிடந்தது. தற்போது இப்படம் ஆகஸ்ட் 15ஆம் தேதி வெளியாகும் என அறிவிக்கப்பட்டுள்ளது.
நீண்ட நாட்களாக மார்க்கெட்டில் இல்லாத பிரசாந்த், இந்தப் படம் தனக்கு மிகப்பெரிய திருப்புமுனையாக அமையும் என எதிர்பார்க்கிறார். இந்த படத்தின் பெரும்பாலான பணிகள் முடிவடைந்து ரிலீசுக்காக காத்திருக்கிறது. இப்படத்தில் பிரசாந்துடன் பிரியா ஆனந்த், சிம்ரன், கார்த்திக் ஆகியோர் முக்கிய வேடங்களில் நடித்துள்ளனர். இப்படம் விரைவில் வெளியாகும் என எதிர்பார்க்கப்படுகிறது.
இந்நிலையில் இந்த படத்தின் இரண்டாவது சிங்கிள் பாடலை நடிகர் விஜய் தனது எக்ஸ் சைட் பக்கத்தில் வெளியிட உள்ளார். கோட் படத்தில் இணைந்து நடித்தபோது பிரசாந்துடன் இருந்த நெருங்கிய நட்பு காரணமாக விஜய் இந்த பாடலை வெளியிட சம்மதித்துள்ளதாக கூறப்படுகிறது.
