பிக்பாஸ் சீசன் 8 இன் தொகுப்பாளராக நடிகர் விஜய் சேதுபதி நியமிக்கப்பட்டுள்ளார்.உலக நாயகன் கமல்ஹாசன் தனது பட வேலைகள் காரணமாக பிக்பாஸ் நிகழ்ச்சியை தொகுத்து வழங்குவதில் இருந்து விலகுவதாக கடந்த மாதம் அறிவித்தார். இதையடுத்து பிக்பாஸ் சீசன் 8க்கு புதிய தொகுப்பாளர் தேவைப்பட்டார்.
இதைத் தொடர்ந்து நடிகர் சூர்யா, நயன்தாரா உள்ளிட்டோரின் பெயர்கள் உலா வந்தாலும் கடைசியில் விஜய் சேதுபதி பிக் பாஸ் வீட்டிற்குள் நுழைவது உறுதியானது. இந்நிலையில் இந்த நிகழ்ச்சியை தொகுத்து வழங்குவதற்காக விஜய் சேதுபதியின் சம்பள விவரம் தற்போது வெளியாகியுள்ளது.
மூன்று மாதத்துக்கு ரூ.50 கோடி சம்பளம் வாங்குவதாக கூறப்படுகிறது. இந்த தகவல் தற்போது வெளியாகியுள்ளது. பிக்பாஸ் நிகழ்ச்சியை தொகுத்து வழங்குபவர் விஜய் சேதுபதி என்றாலும், தனது சம்பளம் மற்றும் நடிப்பால் மிகப்பெரிய எதிர்பார்ப்பை ஏற்படுத்தியுள்ளார்.
