நடிகர் விஜய் சேதுபதியின் மகன் சூர்யா விஜய் சேதுபதி ஏற்கனவே ‘நானும் ரவுடி தான்’ மற்றும் ‘சிந்துபாத்’ படங்களில் சிறிய வேடங்களில் நடித்துள்ளார். ‘பீனிக்ஸ்’ படத்தில் ஹீரோவாக அறிமுகமாகிறார். வரலட்சுமி சரத்குமார் முக்கிய வேடத்தில் நடிக்கிறார். பிரபல ஸ்டண்ட் இயக்குனர் அனல் அரசு இதை இயக்கியுள்ளார்.
இந்த படத்தின் மூலம் இயக்குநராக அறிமுகமாகிறார். சாம்.சி.எஸ். இசையமைத்துள்ளார். வேல்ராஜ் ஒளிப்பதிவு செய்துள்ளார். ஏ.கே. பிரேவ்மேன் பிக்சர்ஸ் வழங்கும் இந்தப் படம், அதிரடியான சூழலில் அமைக்கப்பட்டுள்ளது. படத்தின் இரண்டாவது பாடலான ‘இந்தா வாங்கிக்கோ’ நேற்று வெளியிடப்பட்டு நல்ல வரவேற்பைப் பெற்றது. இந்த சூழலில், படம் ஜூலை 4-ம் தேதி வெளியாகும் என்று படக்குழு அறிவித்துள்ளது.
