சென்னை: சூப்பர் ஸ்டார் விஜயகாந்தின் பிறந்தநாள் ஆகஸ்ட் 25 ஆம் தேதி. அவரை நேசிக்கும் ரசிகர்கள், நினைவுகூரும் வகையில் அவரின் பழைய பேச்சுகள், சினிமா காட்சிகள், உணர்ச்சி மிகுந்த வீடியோக்களை இணையத்தில் பகிரத் தொடங்கி விட்டனர். தற்போது வைரலாகும் வீடியோ ஒன்றில் விஜயகாந்த் கூறும் நியாயமான மற்றும் மனிதாபிமான பேச்சு பலரையும் நெகிழச் செய்துள்ளது.
அந்த வீடியோவில் அவர் கூறுகிறார்:
“கோவிலுக்கு தர்மம் செய்யும் பணத்தை, பத்து ஏழைகளுக்கு, உடல் சிக்கலால் செய்ய முடியாதவர்களுக்கு, கண் தெரியாதவர்களுக்கு பண்ணுங்க. அதுதான் உண்மையான தர்மம். எனக்கு ஜாதியும் கிடையாது, மதமும் கிடையாது. எல்லாத்தையும் வெறுக்கிறவன் நானு.”
இந்த வீடியோவை பார்த்த பலரும், “இது தான் கேப்டன்… மனிதநேயம் கொண்ட உண்மையான தலைவர்” என பாராட்டுகிறார்கள். சிலர், “அவர் அரசியலுக்கு வராமல் இருந்திருந்தால் இன்னும் பல மக்களுக்கு நன்மை செய்து வாழ்ந்திருப்பார்” என்றும் வருத்தம் தெரிவிக்கின்றனர்.
விஜயகாந்த் குறித்து அவர் ரசிகர்கள் உருக்கமாக கூறுவது:
– பொதுவாகவே தானம் தர்மம் செய்வதில் முனைப்புடன் இருந்தவர்
– தன்னலமில்லாமல் பிறருக்காக வாழ்ந்தவர்
– பதவியில் இல்லாமலிருந்தாலும் மக்கள் மனதில் வாழ்ந்தவர்
இவரது இறுதி ஊர்வலத்தில் திரண்ட மக்கள் வெள்ளம் அவரின் உண்மையான சமூக தாக்கத்தை காட்டியது. ரசிகர்கள் இன்று வரை அவரது நன்னடத்தை, நேர்மை, பெருந்தன்மையை நினைத்து நெகிழ்கிறார்கள்.
கேப்டனின் பிறந்தநாளை முன்னிட்டு அவருடைய பிறந்த ஊர் மற்றும் சென்னை உள்ளிட்ட இடங்களில் அவரது புகைப்படங்கள், பதாகைகள், சிறப்பு நிகழ்ச்சிகள் மற்றும் சிற்றுண்டி வழங்கும் திட்டங்கள் தயாராகிக் கொண்டிருக்கின்றன. அவரது சமாதி அருகிலும் ரசிகர்கள் குவியலாக வருவார்கள் என்பதில் மாற்றுக்கருத்தே இல்லை.
