வெங்கட் பிரபு இயக்கத்தில் விஜய் நடித்துள்ள கோட் திரைப்படம் நாளை திரையரங்குகளில் வெளியாக உள்ளது. இந்த பிரம்மாண்ட படத்தில் விஜய் இரட்டை வேடத்தில் நடிக்கிறார். இப்படத்தின் இன்னொரு சிறப்பம்சம் என்னவெனில், விஜய்யின் இளமையான கேரக்டரை உருவாக்க டி-ஏஜிங் தொழில்நுட்பம் பயன்படுத்தப்பட்டுள்ளது.
கோட் திரைப்படம் உலகம் முழுவதும் 5000 திரைகளில் வெளியாகும், தமிழ்நாட்டில் மட்டும் 1100 திரைகள். கேரளாவில் விஜய்க்கு இருக்கும் ஸ்பெஷல் ரசிகர்கள் காரணமாக கேரளாவிலேயே 700 திரையரங்குகளில் படம் திரையிடப்பட உள்ளது. இதனால் கேரளாவில் வெளியான மற்ற படங்களின் சாதனையை கோட் முறியடித்துள்ளது.
முன்பதிவு தொடங்கிய சில நிமிடங்களில், கோட் மிகப்பெரிய வசூலை ஈட்டியது. தமிழகத்தில் மட்டும் ரூ.16 கோடி வசூலித்த நிலையில், அமெரிக்காவில் ரூ.5.5 கோடியும், கேரளாவில் ரூ.1.3 கோடியும், கர்நாடகாவில் ரூ.3.4 கோடியும் வசூலித்துள்ளது.
உலகளவில் ரஜினிகாந்தின் லால் சலாம் படத்தின் வாழ்நாள் வசூலை முறியடித்து, கோட் ரூ.30 கோடிகளுக்கு மேல் முன்பதிவு செய்திருக்கிறது. கோட் படத்தின் மீதான எதிர்பார்ப்பு எகிறியுள்ளது, நாளை திரையரங்குகளில் வெளியாகும் இப்படம் எந்தளவு வசூல் சாதனை படைக்கும் என்று ரசிகர்கள் ஆவலாக உள்ளனர்.
