சென்னை: வெங்கட் பிரபு இயக்கத்தில் விஜய் நடித்துள்ள படம் ‘தி கோட்’. இந்தப் படத்தில் மீனாட்சி சவுத்ரி, சினேகா, பிரசாந்த், பிரபுதேவா, ஜெயராம் மற்றும் பலர் நடித்துள்ளனர்.
இந்த படத்திற்கு யுவன் ஷங்கர் ராஜா இசையமைத்துள்ளார். இந்தப் படத்தை அர்ச்சனா கல்பாத்தி தனது ஏஜிஎஸ் என்டர்டெயின்மென்ட் நிறுவனம் மூலம் தயாரித்துள்ளார்.
இப்படம் விநாயகர் சதுர்த்தியை முன்னிட்டு செப்டம்பர் 5-ம் தேதி திரையரங்குகளில் வெளியானது.
கலவையான விமர்சனங்களை பெற்று வரும் இப்படத்தின் பட்ஜெட் ரூ.400 கோடி என கூறப்படுகிறது. இப்படம் முதல் நாளில் ரூ.126.32 கோடி வசூலித்ததாக அதிகாரப்பூர்வமாக அறிவிக்கப்பட்டது. விடுமுறை என்பதால் பெரும்பாலான திரையரங்குகளில் கூட்டம் அலைமோதியது.
இந்நிலையில் இப்படம் ரூ.1 கோடி வசூலித்துள்ளதாக தயாரிப்பு நிறுவனம் அதிகாரப்பூர்வமாக அறிவித்துள்ளது. வெளியான 4 நாட்களில் உலகம் முழுவதும் 288 கோடி வசூல் செய்துள்ளது.
ஓடிடி-யில் மூன்றரை மணி நேர படமாக இருக்கும் என்று குழு தெரிவித்துள்ளது. விஜய் படத்தில் இருந்து விலகிய பிறகு சிவகார்த்திகேயன் மற்றும் மோகன் இடையேயான உரையாடல் காட்சியும் ஒடிடியில் இடம்பெறும் என வெங்கட் பிரபு தெரிவித்துள்ளார்.
இதன் மூலம், ஓடிடி வெளியீட்டில் பார்வையாளர்களை மீண்டும் ஒருமுறை பார்க்க வைக்க ‘தி கோட்’ படக்குழு புதிய உத்தியைக் கையாண்டுள்ளது.
