இந்தியாவில் தடை செய்யப்பட்ட “சந்தோஷ்” என்ற திரைப்படம் தற்போது சமூக வலைதளங்களில் பரபரப்பை ஏற்படுத்தி வருகிறது. இந்த படத்தை பிரிட்டிஷ்-இந்திய இயக்குனர் சந்தியா சுரி இயக்கி, இங்கிலாந்து சார்பில் ஆஸ்கர் விருதுக்கு அனுப்பப்பட்டது. சந்தியா சுரி, முன்பே “I For India” மற்றும் “Around India with a Movie Camera” போன்ற ஆவணப்படங்களை இயக்கி, இந்தியா குறித்த தவறான பிம்பங்களை உருவாக்குவதாகப் புகார்கள் பெற்றிருந்தார்.
இந்த படத்தை இந்தியாவில் கடந்த ஜனவரி 10ம் தேதி வெளியிட திட்டமிடப்பட்டிருந்தாலும், மத்திய சென்சார் போர்டு சில மாற்றங்களை படத்தில் செய்யவேண்டும் என தெரிவித்ததால், அந்த மாற்றங்களை எதிர்த்த படக்குழுவினர் படம் இந்தியாவில் வெளியாகவில்லை.
“சந்தோஷ்” படத்தின் கதை சுருக்கமாக கூறப்படும் போது, போலீஸ் கான்ஸ்டபிளாக இருந்து இறந்த ஒருவரின் மனைவிக்கு அந்த வேலையையே கொடுக்கப்படுகிறது. பிறகு, ஒரு தலித் பெண்ணை வன்கொடுமை செய்து கொல்லும் வழக்கை விசாரிக்கும் வேலையில் அவர் ஈடுபடுகிறார். இந்த கதை போலீஸ் வன்முறை மற்றும் சாதிய வன்கொடுமைகளை மும்முரமாக காட்டுவதாகப் பலர் கூறுகின்றனர்.
இந்நிலையில், மேலை நாடுகளின் தயாரிப்பில் உருவான இந்த படம் இந்தியா குறித்த தவறான பிம்பத்தை சித்தரிப்பதாக சிலர் குற்றம் சாட்டியுள்ளனர். தற்போது இந்த படம் ஓடிடி பிளாட்ஃபாரத்தில் வெளியிடப்பட்டு, சமூக வலைதளங்களில் பெரும் விவாதத்தை கிளப்பியுள்ளது.
