நடிகர் விஷால் சுந்தர் சி இயக்கத்தில் ஆம்பள, ஆக்ஷன், மதகஜராஜா ஆகிய படங்களில் நடித்துள்ளார். இதில் கடந்த பொங்கலுக்கு 12 ஆண்டுகளுக்கு பிறகு வெளியாகி சூப்பர் ஹிட்டான படம் மதகஜராஜா. இப்படம் ரூ.50 கோடிக்கு மேல் வசூல் செய்துள்ளது. வசூலித்து இன்னும் ஓடிக்கொண்டிருக்கிறது.
இதையடுத்து சுந்தர் சி இயக்கத்தில் விஷால் மீண்டும் நடித்து வருகிறார். இந்த படம் ரூ. 100 கோடி பட்ஜெட்டில் உருவாக உள்ளதாக கூறப்படுகிறது. விஷாலின் சம்பளம் மட்டும் ரூ. 30 கோடி என்கிறார்கள். அதில் நகைச்சுவை வேடத்தில் நடிக்க சந்தானத்திடம் பேசி வருகின்றனர். மறுத்தால் வடிவேலு நடிப்பார். பென்ஸ் மீடியா சார்பில் ஏ.சி.அருண்குமார் வழங்கவுள்ளதாகவும், அவ்னி சினிமாக்ஸ் தயாரிக்கவுள்ளதாகவும் கூறப்படுகிறது.
இந்த படத்தின் படப்பிடிப்பு இம்மாத இறுதியில் தொடங்கும் என கூறப்படுகிறது. இதனிடையே சுந்தர் சி இயக்கத்தில் வடிவேலு நடிக்கும் ‘கேங்கர்ஸ்’ படத்தின் படப்பிடிப்பு முடிவடைந்துள்ளது.
