அஜித்தின் விடாமுயற்சி படத்தின் படப்பிடிப்பு கடந்த சில நாட்களாக அஜர்பைஜானில் நடந்து வரும் நிலையில், நேற்று படத்தின் படப்பிடிப்பு நிறைவடைந்ததாக அறிவிக்கப்பட்டது.
மேலும் அஜீத் படக்குழுவினருடன் இருக்கும் புகைப்படமும் இணையத்தில் வைரலானதை ஏற்கனவே பார்த்தோம். இந்நிலையில் அஜித் உள்ளிட்ட படக்குழுவினர் சென்னை திரும்புவதாகவும், அதன்பிறகு படத்தின் இறுதிக்கட்ட படப்பிடிப்பு ஹைதராபாத்தில் உள்ள ராமோஜிராவ் பிலிம் சிட்டியில் நடைபெற்று படத்தின் ஒட்டுமொத்த படப்பிடிப்பும் முடிவடையும் என்றும் கூறப்பட்டது.
இந்நிலையில் `ருசி’ படத்தின் படப்பிடிப்பு அஜர்பைஜானில் முடிவடைந்து இயக்குனர் உட்பட அனைவரும் சென்னை திரும்பியுள்ள நிலையில் அஜித் மட்டும் சென்னை திரும்பவில்லை என்றும் தற்போது துபாயில் இருப்பதாகவும் தகவல் வெளியாகியுள்ளது.
இவர் ஏற்கனவே துபாயில் சொந்த வீடு வாங்கியுள்ளதாக கூறப்பட்ட நிலையில், தற்போது துபாயில் ரூ.9 கோடி மதிப்புள்ள ஃபெராரி காரை வாங்கியுள்ளதாக கூறப்படுகிறது. துபாயில் சிவப்பு நிற ஃபெராரி காருடன் அஜித் இருக்கும் புகைப்படம் தற்போது இணையத்தில் வைரலாகி வருகிறது.
