ஷங்கரின் ‘கேம் சேஞ்சர்’ படத்தின் புரமோஷன் பல்வேறு மாநிலங்களில் தொடங்கியுள்ளது. பவன் கல்யாண் மற்றும் சிரஞ்சீவி குடும்பத்தினர் பங்கேற்கும் பிரமாண்டமான நிகழ்ச்சி இன்று ராஜமுந்திரியில் நடைபெறவுள்ளது. மொத்த படக்குழுவினரும் கலந்து கொள்வார்கள்.
வரும் ஜனவரி 7-ம் தேதி சென்னையில் இதேபோன்று பிரமாண்டமான நிகழ்ச்சியை நடத்த படக்குழு முடிவு செய்துள்ளது. விஜய்யை சிறப்பு விருந்தினராக கலந்து கொள்ள படக்குழுவினர் அழைப்பு விடுத்துள்ளனர். விஜய் நடித்த ‘வாரிசு’ படத்தைத் தயாரித்த தில் ராஜு, ஷங்கர் இயக்கத்தில் ‘நண்பன்’ படத்திலும் விஜய் நடித்திருப்பதால் ‘கேம் சேஞ்சர்’ நிகழ்ச்சியில் விஜய் கலந்து கொள்வதற்கான வாய்ப்புகள் அதிகம்.
ஷங்கர் இயக்கத்தில், ‘கேம் சேஞ்சர்’ படத்தில் ராம் சரண், எஸ்.ஜே. சூர்யா, ஜெயராம், கியாரா அத்வானி, அஞ்சலி மற்றும் பலர் நடித்துள்ளனர். திரு ஒளிப்பதிவாளராகவும், தமன் இசையமைப்பாளராகவும் பணியாற்றியுள்ளனர். சமீபத்தில் வெளியான இப்படத்தின் டிரைலர் இணையத்தில் நல்ல வரவேற்பை பெற்றது.
