விமல் நடிக்கும் புதிய படத்தை அறிமுக இயக்குநர்கள் இரட்டையர்களான எல்சன் எல்தோஸ் மற்றும் மனிஷ் கே. தோப்பில் இயக்குகின்றனர். கிராமப்புற பின்னணியில் அமைக்கப்பட்ட இந்த நகைச்சுவை பொழுதுபோக்கு படமாக தயாராகும் இந்த படத்தின் படப்பிடிப்பு காரைக்குடியில் பூஜையுடன் தொடங்கியது.
மலையாளத்தில் சில படங்களை தயாரித்த அஜித் விநாயகா பிலிம்ஸ் புரொடக்ஷன்ஸின் விநாயகா அஜித் தயாரிக்கிறார். முல்லை அரசி கதாநாயகியாக நடிக்கிறார். சேத்தன், சரவணன் மற்றும் பலர் நடிக்கின்றனர். பாசில் ஜார்ஜ் மற்றும் ஆகாஷ் வி. பால் ஆகியோர் கதை எழுதியுள்ளனர்.
சுதி கிருஷ்ணா திரைக்கதை அமைத்துள்ளார். ஜிஜு சன்னி ஒளிப்பதிவு செய்கிறார், ஜஸ்டின் பிரபாகரன் இசையமைக்கிறார். காரைக்குடி மற்றும் அதன் சுற்றுப்புற பகுதிகளில் ஒரே கட்டமாக படப்பிடிப்பை முடிக்க படக்குழு திட்டமிட்டுள்ளது.
