சென்னை: ‘கேஜிஎப்’ படம் மூலம் உலகளாவிய புகழ் பெற்ற கன்னட நடிகர் யஷ், அடுத்ததாக பிரம்மாண்டமாக உருவாகி வரும் ‘டாக்ஸிக்’ படத்தில் நடித்து வருகிறார். இந்த படத்தின் இயக்குனராக கீது மோகன்தாஸ் பணியாற்றி வருகிறார். ‘நள தமயந்தி’ படத்தில் ஹீரோயினாக நடித்த கீது, இதன் மூலம் இயக்குனராக அறிமுகமானார். ‘கேவிஎன்’ தயாரிப்பு நிறுவனம் இந்தப் படத்தை தயாரித்து வருகிறது.
இந்திய சினிமாவுக்கு புதிய பரிமாணத்தை கொடுத்த ‘கேஜிஎப்’ திரைப்படம் மற்றும் அதன் பின்னர் வெளியான ‘காந்தாரா’ திரைப்படம், கன்னடத் திரையுலகத்தை உலகின் முன்னணி படக்களில் இடம் பெற்றுள்ளது. தற்போது ‘டாக்ஸிக்’ திரைப்படம், அடுத்த ஆண்டு மார்ச் 19ஆம் தேதி ரிலீசாகும் என்று தயாரிப்பு நிறுவனம் அறிவித்துள்ளது.
‘டாக்ஸிக்’ திரைப்படம் இந்திய மொழிகளில் மட்டுமல்லாமல், ஆங்கிலத்தில் கூட வெளியாக உள்ளது. இதில் யஷ், கியாரா அத்வானி, நயன்தாரா ஆகியோர் முக்கிய கதாப்பாத்திரங்களில் நடிக்கின்றனர். யஷின் லாங் கோட், பெரிய தொப்பி, தாடியுடன் கூடிய முதல் தோற்றம், அவரின் ரசிகர்களிடையே மிரட்டும் கவர்ச்சியை உருவாக்கியுள்ளது.
மேலும், தளபதி விஜய் நடிக்கும் ‘ஜனநாயகன்’ படமும் எதிர்பார்ப்புக்குள்ளாக உள்ளது. எச். வினோத் இயக்கத்தில் உருவாகி வரும் இந்த படத்தில் விஜய், பூஜா ஹெக்டே, மமீதா பைஜூ, பிரியாமணி, பிரகாஷ்ராஜ் ஆகியோரும் முக்கிய கதாபாத்திரங்களில் நடிக்கின்றனர். ‘ஜனநாயகன்’ படத்தின் ரிலீஸ் தேதி குறித்து தற்போது எந்த அதிகாரப்பூர்வ அறிவிப்பும் வெளியிடப்படவில்லை.
இதனிடையே, ‘டாக்ஸிக்’ படத்தின் ரிலீஸ் தேதியை ஏற்கனவே அறிவித்த தயாரிப்பு நிறுவனம், விஜயின் ‘ஜனநாயகன்’ படத்தின் ரிலீஸ் தேதியைப் பற்றியும் விரைவில் அறிவிப்பை வெளியிட வேண்டும் என அவரது ரசிகர்கள் எதிர்பார்க்கின்றனர். ‘ஜனநாயகன்’ படத்தின் படப்பிடிப்பு 25 நாட்களில் முடிவடையும் என்றும், அதன்பின் படத்தின் ரிலீஸ் தேதி குறித்த அறிவிப்பு விரைவில் வெளியாகும் என நம்பப்படுகிறது.
