சென்னை: சிக்கனில் பல சுவையான ரெசிபிகளை சுவைத்து மகிழ்ந்திருப்பீர்கள். அந்தவகையில் இன்று சுவையான சிக்கன் வடை செய்வது எப்படி என்று பார்க்கலாம்.
தேவையான பொருட்கள்
சிக்கன் – 150 கிராம்
சின்ன வெங்காயம் – 50 கிராம்
கரம் மசாலா – 1 ஸ்பூன்
இஞ்சி,பூண்டு விழுது – அரை ஸ்பூன்
உப்பு – தேவையான அளவு
பிரட் தூள் – 150 கிராம்
முட்டை – 1
எண்ணெய் – தேவையான அளவு
செய்முறை: முதலில் வெங்காயத்தை பொடியாக நறுக்கி கொள்ளவும். பின்பு சிக்கனை மிக்ஸ்யில் நைசாக அரைத்து வைத்துக் கொள்ளவும். அரைத்து வைத்த பின்பு சிக்கனுடன், கரம் மசாலா தூள், இஞ்சி, பூண்டு விழுது, வெங்காயம் மற்றும் உப்பு போட்டு பிசைந்து வைத்துக் கொண்டு வடையாக அல்லது உருண்டைகளாக உருட்டி வைத்துக் கொள்ளவும்.
பின்பு ஒரு பாத்திரத்தில் முட்டையை உடைத்து அதில் உள்ெள்ளை கருவை மட்டும் ஊற்றி கொள்ளவும். பின்பு ஒரு பிளேட்டில் பிரட் தூளை வைத்து கொள்ளவும். ஒரு கடாயில் எண்ணெய் ஊற்றி அதில் உருட்டி வைத்த உருண்டைகளை முட்டையில் பிராட்டிய பின்பு அதை பிரட் தூளில் போட்டு பிரட்டி எடுத்து எண்ணெய் போட்டு பொரித்து எடுக்கவும். சுவை மிகுந்த சிக்கன் வடை தயார்!
