சென்னை வீரர் அஸ்வின், பிரிமியர் லீக் கிரிக்கெட் தொடரிலிருந்து ஓய்வு பெறுவதாக அறிவித்துள்ளார். இதனை அவர் வெளியிட்டுள்ள அறிக்கையில் கூறியதாவது: “ஒவ்வொரு முடிவும் ஒரு புதிய தொடக்கமே. பிரிமியர் லீக் பயணம் இன்றுடன் முடிந்தாலும், பிற லீக் போட்டிகளில் விளையாடும் புதிய வாய்ப்புகளை எதிர்நோக்குகிறேன்” என்று தெரிவித்துள்ளார்.
அஸ்வின் தனது பிரிமியர் லீக் பயணத்தை சிறப்பாக நினைவுகூர்ந்து, பிசிசிஐ, தொடர் உரிமையாளர்கள் மற்றும் ரசிகர்களுக்கு நன்றி தெரிவித்துள்ளார்.
38 வயதான அஸ்வின், 2010-ல் இலங்கைக்கு எதிரான ஒருநாள் ஆட்டம் மூலம் சர்வதேச கிரிக்கெட்டில் அறிமுகமானார். 2011 உலகக்கோப்பை, 2013 சாம்பியன்ஸ் கோப்பை வெற்றிகளில் முக்கிய பங்காற்றினார். பிரிமியர் லீக்கில் 221 ஆட்டங்களில் 187 விக்கெட்டுகளையும், 833 ரன்களையும் எடுத்துள்ளார்.
பிரதானமாக டெஸ்ட் போட்டிகளில் அதிக ஆதிக்கம் செலுத்திய அஸ்வின், சென்னை அணிக்காகவும் சிறப்பாக விளையாடியவர். எனினும் சமீபகாலத்தில் அவர் எதிர்பார்த்த நிலையை அடையவில்லை. இருந்தாலும், இந்திய கிரிக்கெட்டின் முன்னணி பந்துவீச்சாளராக தனது இடத்தை நிலைநிறுத்தியுள்ளார்.
