2025 ஐபிஎல் கிரிக்கெட் தொடரின் மாபெரும் இறுதிப்போட்டிக்கு ராயல் சேலஞ்சர்ஸ் பெங்களூரு (ஆர்சிபி) அணி முதல் அணியாக தகுதி பெற்று ரசிகர்களிடம் பெரும் எதிர்பார்ப்பை உருவாக்கியுள்ளது. இந்த ஆண்டு ரஜத் படிதார் தலைமையில் அரங்கில் இறங்கிய ஆர்சிபி, தொடரின் ஆரம்பம் முதலே தங்களின் அசத்தலான ஆட்டத்தால் அனைவரையும் கவர்ந்தது.
வெளியூரில் நடைபெற்ற 7 போட்டிகளில் அனைத்தையும் வென்றனர் என்பது வரலாறு காணாத சாதனையாகும். இந்த வெற்றிகளால் புள்ளிப்பட்டியலில் இரண்டாவது இடத்தை பிடித்த ஆர்சிபி, குவாலிபையர் 1 போட்டிக்குத் தகுதி பெற்றது. புள்ளிப்பட்டியலில் முதலிடம் பிடித்த பஞ்சாப் அணியுடன் மோதிய ஆர்சிபி, முதல் ஆட்டத்தில் அவர்களை வெறும் 101 ரன்களுக்கு சுருட்டியது.
பின்னர் வெற்றிக்கான இலக்கை 10 ஓவர்கள் மட்டுமே செலவழித்து 106/2 ரன்கள் எடுத்து 8 விக்கெட் வித்தியாசத்தில் மிக எளிதாக வெற்றிபெற்றது. இதன் மூலம் ஜூன் 3ஆம் தேதி அகமதாபாத்தில் நடைபெறவுள்ள மாபெரும் இறுதிப்போட்டியில் ஆர்சிபி தங்களிடம் இடம் பெற்றுள்ளது.
2009, 2011, 2016 என்ற முறைகளில் முந்தைய வாய்ப்புகளை இழந்த ஆர்சிபி, இந்த முறை 9 வருட இடைவெளிக்குப் பிறகு மீண்டும் இறுதிப்போட்டியில் சந்திக்கவிருக்கிறது. இதனால் கோப்பையை கைப்பற்றும் வாய்ப்பு நிச்சயம் நம்மதே என்ற நம்பிக்கையில் ஆர்சிபி ரசிகர்கள் உற்சாகத்தில் உள்ளனர்.
‘ஈ சாலா கப் நம்தே’ என்ற புகழ்பெற்ற முழக்கம் சமூகவலைதளங்களில் மீண்டும் ஒலிக்கத் தொடங்கியுள்ளது. ஆனால் இந்த முறை அந்த வார்த்தையை சொல்லவே வேண்டாம் என விராட் கோலி வேண்டுகோள் விடுத்துள்ளார் என்று அவரது நெருங்கிய தோழரும் முன்னாள் ஆர்சிபி வீரருமான ஏபி டி வில்லியர்ஸ் தெரிவித்துள்ளார்.
ஏபிடி, “நான் ‘ஈ சாலா கப்’ சொல்ல விரும்பினாலும், விராட் கோலி என்னிடம் அதை சொல்லவே கூடாது என்று கேட்டுக் கொண்டார். ஏனெனில், கடந்த காலங்களில் அந்த வார்த்தையைச் சொல்லிய பிறகே தோல்வியை சந்தித்தோம்,” என நகைச்சுவையுடனும் நெகிழ்ச்சியுடனும் கூறினார்.
“ஆனால் இந்த வருடம் நிச்சயமாக எல்லாம் நமக்கு சாதகமாகவே இருக்கிறது. அதனால் ஆர்சிபி ரசிகர்கள் இந்த பயணத்தை மகிழ்ச்சியாக அனுபவிக்கலாம். இந்த முறை நிச்சயம் வெற்றியின் பக்கம் நாம்தான்,” என்று தனது நம்பிக்கையைத் தெரிவித்துள்ளார்.
அரசியல், வணிகம், சமூக ஊடகம் என பல துறைகளில் ஆர்சிபிக்கு ஆதரவாக உள்ள பெரும் ரசிகர் வலையமைப்பு, இந்த முறை அந்த 18 ஆண்டு நீண்ட காத்திருப்புக்கு முற்றுப்புள்ளி வைக்கபோகிறோம் என்று உற்சாகத்துடன் காத்திருக்கிறது.
மொத்தத்தில், இந்த வருடம் ஆர்சிபி வெற்றி பெற்றால் அது வெறும் ஒரு ஐபிஎல் கோப்பை வெற்றியல்ல… 18 வருடங்கள் கொண்ட கனவுகளின் வெற்றியாகும்.
