பேசல்: சுவிட்சர்லாந்தில் நடைபெற்ற இறுதிப் போட்டியில் இங்கிலாந்து உலக சாம்பியனான ஸ்பெயினை பெனால்டி ஷூட் அவுட்டில் தோற்கடித்தது. இந்த வெற்றியின் மூலம், இங்கிலாந்து யூரோ கோப்பையை தக்க வைத்துக் கொண்டுள்ளது.
2022-ம் ஆண்டு நடைபெற்ற பெண்கள் யூரோ கோப்பையில் இங்கிலாந்து முதல் முறையாக யூரோ கோப்பையை வென்றது குறிப்பிடத்தக்கது. ஞாயிற்றுக்கிழமை நடைபெற்ற பரபரப்பான இறுதிப் போட்டியில், ஸ்பெயின் சுமார் 65 சதவீத பந்தை தங்கள் வசம் வைத்திருந்தது.
ஆட்டத்தின் 25-வது நிமிடத்தில் ஸ்பெயினுக்காக கால்டென்டே கோல் அடித்தார். பின்னர் 57-வது நிமிடத்தில் இங்கிலாந்துக்காக ரூசோ கோல் அடித்தார். இதன் விளைவாக, ஆட்டம் 1-1 என சமநிலையில் இருந்தது.
எந்த அணியும் கோல் அடிக்க முடியாததால், 90 நிமிடங்கள் முடிந்தது. கூடுதல் நேரத்திற்குப் பிறகு, இரு அணிகளும் கோல் அடிக்கவில்லை. வெற்றியாளரைத் தீர்மானிக்க பெனால்டி ஷூட் அவுட் நடத்தப்பட்டது. இங்கிலாந்து 3–1 என வென்று ஐரோப்பிய சாம்பியன் ஆனது.
