அமெரிக்கா மற்றும் மேற்கிந்திய தீவுகள் இணைந்து நடத்திய 9வது டி20 உலக கோப்பை கிரிக்கெட் தொடரில் இந்தியா 2வது முறையாக கோப்பையை கைப்பற்றியது. கடந்த 29ஆம் தேதி பார்படாஸில் நடைபெற்ற டி20 உலகக் கோப்பை இறுதிப் போட்டியில் இந்தியா, தென் ஆப்பிரிக்கா அணிகள் மோதின. இதில், பரபரப்பான ஆட்டத்தில் இந்தியா 7 ரன்கள் வித்தியாசத்தில் வெற்றி பெற்றது. இந்த தொடரில் ஹர்திக் பாண்டியா 6 இன்னிங்ஸ்களில் விளையாடி 8 போட்டிகளில் 144 ரன்கள் எடுத்துள்ளார். மேலும், 11 விக்கெட்டுகளை வீழ்த்தியுள்ளார். இறுதிப் போட்டியில் முக்கியமான தருணங்களில் ஹென்ரிச் கிளாசன் மற்றும் டேவிட் மில்லர் ஆகியோரின் விக்கெட்டுகளை அவர் கைப்பற்றினார்.
இந்த நிலையில் டி20 ஆல்ரவுண்டர் தரவரிசை பட்டியலை ஐசிசி வெளியிட்டுள்ளது. அதில், புள்ளிப் பட்டியலில் 2 இடங்கள் முன்னேறி நம்பர் 1 இடத்தைப் பிடித்தார். காயம் காரணமாக ஒருநாள் உலகக் கோப்பை தொடரில் இருந்து விலகினார். பின்னர் ஐபிஎல் தொடரின் மூலம் மீண்டும் வந்தார். அப்படி இருந்தும் மும்பை இந்தியன்ஸ் அணியின் கேப்டனானார். ஆனால், அவர் தலைமையிலான மும்பை இந்தியன்ஸ் அணி விளையாடிய 14 போட்டிகளில் 4 வெற்றி, 10 தோல்விகளுடன் பிளே ஆஃப் வாய்ப்பை இழந்து தொடரை விட்டு வெளியேறியது.
இந்த நிலையில் டி20 உலகக் கோப்பை தொடரில் சிறப்பான ஆட்டத்தை வெளிப்படுத்தி ஐசிசி ஆல்ரவுண்டர் தரவரிசை பட்டியலில் நம்பர் 1 இடத்தை பிடித்துள்ளார். இலங்கை வீராங்கனை வனிந்து ஹசரங்கா 2வது இடத்தில் உள்ளார். ஆஸ்திரேலியாவின் மார்கஸ் ஸ்டோனிஸ் ஒரு இடம் முன்னேறி 3வது இடத்தைப் பிடித்தார்.
ஜிம்பாப்வேயின் சிக்கந்தர் ராசா ஒரு இடம் முன்னேறி 4வது இடத்துக்கு முன்னேறினார். வங்கதேசத்தின் ஷகிப் அல் ஹசன் ஒரு இடம் முன்னேறி 5வது இடத்தையும், இங்கிலாந்தின் லியாம் லிவிங்ஸ்டன் ஒரு இடம் முன்னேறி 8வது இடத்தையும் பிடித்தனர். அதேபோல டி20 பந்துவீச்சாளர்கள் தரவரிசைப் பட்டியலில் அக்ஷர் படேல் ஒரு இடம் முன்னேறி 7வது இடத்தைப் பிடித்துள்ளார். குல்தீப் யாதவ் 3 இடங்கள் முன்னேறி 9வது இடத்திலும், ஜஸ்பிரித் பும்ரா 12 இடங்கள் முன்னேறி 12வது இடத்திலும் உள்ளனர்.
