இந்தியா ஏ அணி ஆஸ்திரேலிய மண்ணில் இரண்டு போட்டிகள் கொண்ட (4 நாள்கள்) முதல் தர தொடரில் பங்கேற்கிறது. அதன் முதல் போட்டி ஆஸ்திரேலியா ஏ அணிக்கு எதிராக அக்டோபர் 31-நவ. 3ம் தேதி மேக்கேயில் நடக்க உள்ளது.
இரண்டாவது போட்டி மெல்போர்னில் நவ., 7-10ல் நடக்கிறது. இதற்காக இந்திய ஏ அணியின் கேப்டனாக ருதுராஜ் நியமிக்கப்பட்டுள்ளார். அபிமன்யு ஈஸ்வரன் துணை கேப்டனாக உள்ளார். தமிழகத்தைச் சேர்ந்த சாய் சுதர்சன், பாபா இந்திரஜித் ஆகியோரும் அணியில் இடம் பிடித்துள்ளனர். இதுதவிர நிதிஷ்குமார், தேவ்தத் படல், ரிக்கி புய், இஷான் கிஷன், முகேஷ் குமார், கலீல் அகமது, நவ்தீப் சைனி ஆகியோரும் அணியில் உள்ளனர். அவர்கள் நேற்று ஆஸ்திரேலியா புறப்பட்டு சென்றனர்.
இந்நிலையில், ஆஸ்திரேலிய மண்ணில் ரோகித் சர்மா தலைமையிலான இந்திய அணி 5 போட்டிகள் கொண்ட ‘பார்டர்-கவாஸ்கர்’ டிராபி தொடரில் (நவ. 22 முதல் ஜன. 7, 2025 வரை) பங்கேற்க உள்ளது. இதற்கு தயாராகும் வகையில் இந்திய ஏ அணியுடன் இந்திய அணி மூன்று நாள் (நவ. 15-17) பயிற்சி ஆட்டத்தில் விளையாடுகிறது.
