துபாய்: ஆஸ்திரேலிய அணி பட்டியலில் முதலிடத்தில் உள்ளது. இந்த தரவரிசையில், மே 2024 முதல் விளையாடிய அனைத்து போட்டிகளும் 100 சதவீதமாகவும், முந்தைய இரண்டு ஆண்டுகளில் விளையாடிய போட்டிகள் 50 சதவீதமாகவும் மதிப்பிடப்பட்டுள்ளன. ஒருநாள் கிரிக்கெட் அணி தரவரிசையில், 2023-ல் நடைபெற்ற 50 ஓவர் உலகக் கோப்பையில் இறுதிப் போட்டிக்கு முன்னேறிய இந்திய அணி, ஐசிசி சாம்பியன்ஸ் டிராபி தொடரை வென்று முதலிடத்தைத் தக்க வைத்துக் கொண்டுள்ளது.
இந்திய அணி தனது மதிப்பீட்டு புள்ளிகளை 122-லிருந்து 124 ஆக உயர்த்தியுள்ளது. நியூசிலாந்து (109), ஆஸ்திரேலியா (109), இலங்கை (104), பாகிஸ்தான் (104), தென்னாப்பிரிக்கா (96), ஆப்கானிஸ்தான் (91), இங்கிலாந்து (84), மேற்கிந்திய தீவுகள் (83) மற்றும் வங்கதேசம் (76) ஆகியவை முறையே 2 முதல் 10-வது இடத்தில் உள்ளன. நடப்பு உலக சாம்பியனான இந்தியா டி20 கிரிக்கெட் அணி தரவரிசையில் முதலிடத்தில் உள்ளது.
முதல் முறையாக, உலகெங்கிலும் இருந்து 100 அணிகள் வருடாந்திர டி20 தரவரிசையில் சேர்க்கப்பட்டுள்ளன. கடந்த 3 ஆண்டுகளில் குறைந்தது 8 போட்டிகளில் விளையாடிய அணிகள் தரவரிசையில் சேர்க்கப்பட்டுள்ளன. ஆஸ்திரேலியா, இங்கிலாந்து, நியூசிலாந்து, மேற்கிந்திய தீவுகள், தென்னாப்பிரிக்கா, இலங்கை, பாகிஸ்தான், வங்கதேசம் மற்றும் ஆப்கானிஸ்தான் ஆகியவை முறையே 2 முதல் 10-வது இடத்தில் உள்ளன.
ஐசிசி உலக டெஸ்ட் சாம்பியன்ஷிப்பின் நடப்பு சாம்பியனான ஆஸ்திரேலியா, டெஸ்ட் கிரிக்கெட் அணி தரவரிசையில் 126 புள்ளிகளுடன் முதலிடத்தில் உள்ளது. இங்கிலாந்து (113), தென்னாப்பிரிக்கா (111), இந்தியா (105), நியூசிலாந்து (95), இலங்கை (87), பாகிஸ்தான் (78), மேற்கிந்திய தீவுகள் (73), வங்கதேசம் (62) மற்றும் அயர்லாந்து (30) ஆகிய நாடுகள் முறையே 2 முதல் 10-வது இடங்களைப் பிடித்துள்ளன.
