புதுடெல்லி: உலக டெஸ்ட் கிரிக்கெட் சாம்பியன்ஷிப் புள்ளிகள் பட்டியலில் இந்திய அணி முதலிடத்துக்கு முன்னேறியுள்ளது. மேற்கிந்திய தீவுகள் மற்றும் தென்னாபிரிக்கா அணிகளுக்கு இடையில் நேற்று நிறைவடைந்த டெஸ்ட் தொடரில் தென்னாபிரிக்க அணி 1-0 என வெற்றி பெற்று தொடரை கைப்பற்றியது.
இந்நிலையில், இந்த டெஸ்ட் தொடருக்கு பிறகு சர்வதேச கிரிக்கெட் கவுன்சில் (ஐசிசி) உலக டெஸ்ட் சாம்பியன்ஷிப் புள்ளிப்பட்டியலை வெளியிட்டுள்ளது. இதில் தொடரை இழந்த வெஸ்ட் இண்டீஸ் அணி கடைசி இடத்துக்கு தள்ளப்பட்டுள்ளது. தொடரை வென்ற தென்னாப்பிரிக்கா 5வது இடத்திற்கு முன்னேறியுள்ளது.
அதே சமயம் இந்த பட்டியலில் இந்திய அணி முதல் இடத்திற்கு முன்னேறியுள்ளது. உலக டெஸ்ட் கிரிக்கெட் சாம்பியன்ஷிப் தொடரில் 9 போட்டிகளில் விளையாடியுள்ள இந்தியா, 6 ஆட்டங்களில் வெற்றி, 2 போட்டிகளில் தோல்வியடைந்து 74 புள்ளிகளுடன் புள்ளிப்பட்டியலில் முதலிடத்தில் உள்ளது.
இந்த பட்டியலில் ஆஸ்திரேலியா 2வது இடத்திலும், நியூசிலாந்து 3வது இடத்திலும், இலங்கை 4வது இடத்திலும் உள்ளன. தென்னாப்பிரிக்கா, பாகிஸ்தான், இங்கிலாந்து, வங்கதேசம் மற்றும் வெஸ்ட் இண்டீஸ் அணிகள் முறையே 5 முதல் 9வது இடங்களைப் பிடித்துள்ளன.
