டெல்லி: சர்வதேச டி20 கிரிக்கெட்டில் இருந்து ஓய்வு பெறுவதாக இந்திய கிரிக்கெட் வீரர் ரவீந்திர ஜடேஜா அறிவித்துள்ளார்.
இதுகுறித்து ரவீந்திர ஜடேஜா தனது இன்ஸ்டாகிராம் பக்கத்தில் டி20 உலகக் கோப்பையுடன் சேர்த்து பதிவிட்டு, “நன்றி. முழு மனதுடன் டி20 சர்வதேசப் போட்டிகளுக்கு விடைபெறுகிறேன்.
திடமான குதிரையைப் போல் பெருமையுடன் துள்ளிக் குதித்து வருகிறேன். எனது நாட்டிற்கு எனது சிறந்த பணி மற்ற வடிவங்களில் தொடரும். டி20 உலகக் கோப்பையை வெல்ல வேண்டும் என்ற கனவு நனவாகும்.
இது எனது சர்வதேச டி20 கிரிக்கெட் வாழ்க்கையின் உச்சம். நினைவுகள், வாழ்த்துகள் மற்றும் அசைக்க முடியாத ஆதரவுக்கு நன்றி. ஜெய் ஹிந்த்” என பதிவிட்டுள்ளார்.
டி20 கிரிக்கெட்டில் இருந்து ஓய்வு பெற்றாலும், ஒருநாள் மற்றும் டெஸ்ட் போட்டிகளில் தொடர்ந்து விளையாடப் போவதாக ஜடேஜா அறிவித்துள்ளார்.
முன்னதாக, சர்வதேச டி20 கிரிக்கெட்டில் இருந்து இந்திய வீரர்கள் ரோஹித் சர்மா மற்றும் விராட் கோலி ஓய்வு அறிவித்ததை அடுத்து, ஜடேஜாவும் தனது ஓய்வை அறிவித்துள்ளார்.
