லண்டன்: மொயீன் அலி இங்கிலாந்துக்காக 68 டெஸ்ட், 138 ஒருநாள் மற்றும் 92 டி20 போட்டிகளில் விளையாடியுள்ளார்.
37 வயதான இங்கிலாந்து கிரிக்கெட் வீரர் மொயின் அலி சர்வதேச கிரிக்கெட்டில் இருந்து ஓய்வு பெறுவதாக அறிவித்துள்ளார். இவர் சென்னை சூப்பர் கிங்ஸ் அணியில் நீண்ட நாட்களாக இடம் பிடித்துள்ளார் என்பது குறிப்பிடத்தக்கது.
2023 ஆஷஸ் டெஸ்ட் தொடருக்கு பிறகு டெஸ்ட் போட்டியில் இருந்து ஓய்வு பெறுவதாக அறிவித்திருந்தார்.
அதன் பிறகு இங்கிலாந்து கேப்டன் பென் ஸ்டோக்ஸின் அழைப்பை ஏற்று இந்தியாவுக்கு எதிரான டெஸ்ட் தொடரிலும், மேற்கிந்திய தீவுகளுக்கு எதிரான டெஸ்ட் தொடரிலும் விளையாடினார்.
ஆஸ்திரேலியாவுக்கு எதிரான ஒருநாள் தொடரில் அவர் இடம் பெறுவார் என எதிர்பார்க்கப்பட்டது. ஆனால், அந்த தொடருக்கு மொயின் அலி தேர்வு செய்யப்படவில்லை.
இதையடுத்து சர்வதேச கிரிக்கெட்டில் இருந்து ஓய்வு பெறுவதாக அறிவித்தார். சுழற்பந்து வீச்சு ஆல்ரவுண்டரான மொயீன் அலி இங்கிலாந்துக்காக 68 டெஸ்ட், 138 ஒருநாள் மற்றும் 92 டி20 போட்டிகளில் விளையாடியுள்ளார்.
பேட்டிங்கில் சராசரியாக இருந்த மொயீன் அலி, பந்துவீச்சில் இங்கிலாந்து அணிக்கு பலமுறை உதவியுள்ளார். 68 டெஸ்ட் போட்டிகளில் 24 விக்கெட்டுகளை வீழ்த்தியுள்ளார்.
138 ஒருநாள் போட்டிகளில் 116 விக்கெட்டுகளை வீழ்த்தியுள்ளார். 92 டி20 போட்டிகளில் 51 விக்கெட்டுகளை வீழ்த்தியுள்ளார். தற்போது உலகம் முழுவதும் பல்வேறு டி20 தொடர்களில் விளையாடி வருகிறார்.
தனது ஓய்வு முடிவைப் பற்றி பேசிய மொயீன் அலி, “நான் மீண்டும் இங்கிலாந்துக்காக விளையாட முயற்சி செய்யலாம். ஆனால் நான் அப்படி செய்யமாட்டேன் என்பதே நிதர்சனம். நான் ஓய்வு பெற்றாலும், நான் சரியாக விளையாடாததால் ஓய்வு பெறுவதாக நினைக்கவில்லை.
நான் எப்போதும் விளையாட தயாராக இருக்கிறேன். அவர் கூறினார். ஆனால் இங்கிலாந்து அணி அடுத்த சுற்றுக்கு தன்னை தயார்படுத்திக் கொள்ள வேண்டும் என்பதை அறிந்து இந்த முடிவை எடுக்கிறேன்.
நான் எனக்கு உண்மையாக இருக்க வேண்டும் என்று நினைக்கிறேன். அடுத்த தலைமுறை வீரர்களுக்கான நேரம் இது. இங்கிலாந்து அணி நிர்வாகமும் எனக்கு விளக்கமளித்தது.
எனவே, இதுவே சரியான நேரம் என்று நினைத்தேன். எனவே, எனது பங்களிப்பிற்காக சர்வதேச கிரிக்கெட்டில் இருந்து ஓய்வு பெறுகிறேன்” என்றார். இவ்வாறு மொயின் அலி கூறுகிறார்.
