மும்பை: ஐபிஎல் போட்டியில் பங்கேற்கும் மும்பை இந்தியன்ஸ் அணியில் ஆப்கானிஸ்தானை சேர்ந்த முஜீப் உர் ரஹ்மான் இணைந்துள்ளார். மும்பை இந்தியன்ஸ் அணி 5 முறை ஐபிஎல் பட்டத்தை வென்றுள்ளது. அந்த அணி 5 முறை இறுதிப் போட்டிக்கு வந்து கோப்பையை வென்றுள்ளது. இந்நிலையில் இந்த ஆண்டுக்கான ஐபிஎல் தொடர் மார்ச் 22-ம் தேதி தொடங்கவுள்ளது.
மும்பை இந்தியன்ஸ் அணியால் 4.8 கோடிக்கு ஏலத்தில் வாங்கப்பட்ட ஆப்கானிஸ்தான் வீரர் அல்லா கசன்ஃபர் காயம் காரணமாக தொடரில் இருந்து விலகுவதாக அறிவித்திருந்தார். இதையடுத்து அவருக்கு பதிலாக ஆப்கானிஸ்தானை சேர்ந்த முஜீப் உர் ரஹ்மான் அணியில் சேர்க்கப்பட்டுள்ளார். முஜீப் உர் ரஹ்மானை மும்பை இந்தியன்ஸ் அணி ரூ. 2 கோடிக்கு வாங்கியுள்ளது. இதுவரை 19 ஐபிஎல் போட்டிகளில் விளையாடியுள்ள முஜீப் உர் ரஹ்மான் 19 விக்கெட்டுகளை வீழ்த்தியுள்ளார்.
