இந்திய கிரிக்கெட் அணியின் முன்னாள் தலைமைப் பயிற்சியாளரான ராகுல் டிராவிட், அணியின் பயிற்சியாளர் பதவியை ஏற்கும் முன் தனது எண்ணங்களை வெளிப்படையாகப் பகிர்ந்துள்ளார். தடுப்புச்சுவர் பேட்ஸ்மேன் என அழைக்கப்படும் டிராவிட், முதலில் அந்தப் பதவியை ஏற்க விரும்பவில்லை எனத் தெரிவித்தார். இது குறித்து சமீபத்தில் ரவிச்சந்திரன் அஸ்வினுடன் நடந்த உரையாடலில் அவர் உணர்வுபூர்வமாக பகிர்ந்துள்ளார். தேசிய கிரிக்கெட் அகாடமி, இந்தியா ‘ஏ’ மற்றும் 19 வயதிற்குட்பட்ட அணிக்கு பயிற்சி அளிப்பதில் மகிழ்ச்சி அடைந்ததாகவும், அது அவரது குடும்ப வாழ்க்கையுடன் சிறப்பாக பொருந்தியதாகவும் கூறினார்.
2021 ஆம் ஆண்டு ரவி சாஸ்திரி பதவியை விலக்கிய பிறகு, டிராவிட் இந்திய அணியின் தலைமைப் பயிற்சியாளராக நியமிக்கப்பட்டார். ஆனால், அந்த வாய்ப்பு முதலில் வந்தபோது அவர் தயக்கம் காட்டியுள்ளார். பயணங்கள் மற்றும் குடும்பத்துடன் கடந்து வரும் நேர குறைவு போன்ற காரணங்களால் பயிற்சியாளர் பணிக்கு போவதை அவர் தவிர்க்க விரும்பினார். எனினும், அவரது மனைவி விஜிதா, “இந்த வாய்ப்பு தவிர்க்க முடியாதது, உயர் மட்டத்தில் உங்கள் திறமையை வெளிப்படுத்தும் சிறந்த நேரம்” என உற்சாகமளித்ததாலேயே அவர் முடிவை மாற்றிக் கொண்டதாக தெரிவித்தார்.
இந்த முடிவை எடுத்ததன் பின் டிராவிட், 2024 டி20 உலகக் கோப்பையை வென்று இந்திய அணிக்கு வரலாற்று வெற்றியைக் கொடுத்தார். அவரின் பயிற்சியில் இந்திய அணி பல புதிய வீரர்களை உருவாக்கி, பல சாதனைகளை படைத்துள்ளது. இன்று ராகுல் டிராவிட், இந்திய கிரிக்கெட் வரலாற்றில் சிறந்த தலைமைப் பயிற்சியாளர்களில் ஒருவராகக் கருதப்படுகிறார்.
அவரை பயிற்சியாளராகக் காணாமலிருந்திருந்தால், இந்திய அணியின் வளர்ச்சிக்கு பாதிப்பு ஏற்பட்டு இருக்கலாம். அவரது அனுபவமும், நிதானமான அணுகுமுறையும் இளம் வீரர்களின் வளர்ச்சிக்கு பெரும் பங்களிப்பாக அமைந்துள்ளது. திடீரென கிடைத்த வாய்ப்பை அவரது மனைவி ஊக்கப்படுத்தியதால் மட்டுமே அவர் இந்தப் பாதையில் சென்றார் என்பது உணர்வுபூர்வமான பகிர்வு.
