இலங்கை அணி இந்திய அணியை இந்தியாவில் தோற்கடிக்கும்: ரணதுங்கா கருத்து

1996-ம் ஆண்டு உலகக் கோப்பையை வென்ற இலங்கை அணி தற்போதைய இந்திய அணியை இந்திய மண்ணில் இல்லாதொழிக்கும் என இலங்கை அணியின் முன்னாள் தலைவர் அர்ஜுன ரணதுங்க தெரிவித்துள்ளார். அதாவது தற்போதைய கிரிக்கெட் வீரர்களுக்கு திறமை இல்லை என்றும், தனியார் டி20 கிரிக்கெட் லீக்குகள் திறமையை அழித்து வருவதாகவும் கூறி தற்போதைய இந்திய அணியை பரபரப்புக்கு இழுத்துள்ளார். அர்ஜுன ரணதுங்க ‘தி டெலிகிராப்’ ஊடக நிறுவனத்திடம் கூறியதாவது:-

90களின் முற்பகுதியில் நான் கேப்டனாக இருந்தபோது, ​​பேட்டிங் ஆர்டரை ஒரு பேட்டராகத்தான் பார்த்தோம். கவாஸ்கர், வெங்சர்க்கார், மொஹிந்தர் அமர்நாத்.. இவர்களை உங்களால் தோற்கடிக்க முடியாது. அசாருதீன், சச்சின் டெண்டுல்கர், காம்ப்ளி, டிராவிட் ஆகியோர் அடுத்தடுத்து வந்தனர். அவர்கள் எவ்வளவு தரமான வீரர்கள் என்பதை உலகமே அறியும். எனக்கு ஒரு கேள்வி… தப்பாக நினைக்க வேண்டாம்… தற்போதைய இந்திய அணியில் அந்த ‘தரம்’, ‘கிளாஸ்’ உள்ளதா? நான் இல்லை என்று சொல்வேன். முகத்தில் அறைவது போல் இதை கேட்கிறேன், தற்போதைய இந்திய அணியில் அந்த தரம் இருக்கிறதா? இல்லை, இல்லை.

எனது 1996 இலங்கை அணி தற்போதைய இந்திய அணியை இந்திய மண்ணில் நசுக்கும். தற்போதைய வீரர்களை இரண்டு முறை தோற்கடிப்போம். இந்திய மண்ணில் இந்தியாவை வீழ்த்துவேன். நமது இளம் தலைமுறை வீரர்களுக்கு முறையான கிரிக்கெட் விளையாட பயிற்சி அளிக்கிறோமா? இந்திய அணியால் இன்னொரு கவாஸ்கர், அமர்நாத், வெங்சர்க்கார், சச்சின், டிராவிட் ஆகியோரை உருவாக்க முடியுமா? எனக்கு உண்மையிலேயே சந்தேகம்தான். அதே பிரச்சனை இலங்கையிலும் உள்ளது, வீரர்கள் இப்போது நன்றாக சம்பாதிக்கிறார்கள்.

அவர்கள் தனியார் கிரிக்கெட்டில் விளையாடுகிறார்கள், நாட்டுக்காக விளையாட வேண்டிய அவசியமில்லை. அடுத்த 5 ஆண்டுகளில் நான் சொல்வதை நீங்கள் புரிந்துகொள்வீர்கள் என்று நம்புகிறேன். நாட்டுக்காக விளையாடும் மதிப்பு போய்விடும். அடுத்த 5 ஆண்டுகளில் தனியார் கிரிக்கெட் மட்டுமே விளையாடப்படும். இவ்வாறு அர்ஜுனா ரணதுங்கா தெரிவித்தார்.