சென்னை: சென்னை – சேப்பாக்கத்தில் வங்கதேச அணிக்கு எதிரான டெஸ்ட் போட்டியின் போது களத்தில் இறங்கிய ரிஷப் பந்த், அந்த அணிக்கு களம் அமைத்து கொடுத்தார்.
இது சமூக வலைதளங்களில் வைரலானது. இந்நிலையில், அது குறித்து தற்போது ரிஷப் பந்த் விளக்கம் அளித்துள்ளார். இந்த ஆட்டத்தின் இரண்டாவது இன்னிங்ஸில் பந்த் 128 பந்துகளில் 109 ரன்கள் எடுத்தார்.
இது அணியின் வெற்றிக்கு உதவியது. இந்த இன்னிங்ஸின் போது மட்டுமே அவர் வங்கதேசத்திற்கு களம் அமைத்திருந்தார். “கிரிக்கெட்டின் தரம் சிறப்பாக இருக்க வேண்டும். அது நாம் விளையாடும் அணியாக இருந்தாலும் சரி அல்லது நமக்கு எதிராக விளையாடும் அணியாக இருந்தாலும் சரி.
களத்தில் சரியான இடத்தில் நிற்காத ஒரு பீல்டரை நான் கவனித்தேன். அதனால் சரி செய்துவிட்டேன். இதுதான் அவர்கள் களம் அமைக்க காரணம். அது ஒரு வகையில் அவர்களுக்கு நான் செய்த உதவி. நான் விரும்பியபடி செய்தேன்” என்று ரிஷப் பந்த் கூறினார்.
அவரது வார்த்தைகளின்படி, வங்கதேச கேப்டன் சாண்டோ மிட்-விக்கெட் திசையில் களத்தை மாற்றினார். 34 டெஸ்ட் போட்டிகளில் விளையாடியுள்ள பந்த் 2419 ரன்கள் குவித்துள்ளார். அவர் 11 அரைசதங்கள் மற்றும் 6 சதங்களை பதிவு செய்துள்ளார். சேப்பாக்கத்தில் வங்கதேசத்துக்கு எதிராக 128 பந்துகளில் 109 ரன்கள் எடுத்தார்.
