லிஸ்பன்: போர்ச்சுகல் நட்சத்திரம் கிறிஸ்டியானோ ரொனால்டோ படைத்துள்ளார். கிறிஸ்டியானோ ரொனால்டோ உலகின் மிகவும் பிரபலமான கால்பந்து வீரர்களில் ஒருவர்.
ரொனால்டோ கால்பந்து உலகில் இதுவரை பல சாதனைகளை படைத்துள்ளார். பல்வேறு கிளப் போட்டிகளில் விளையாடி பல அணிகளுக்கு கோப்பைகளை வென்றுள்ளார்.
ஆனால் அவரது போர்ச்சுகல் அணி மட்டும் உலகக் கோப்பையை வெல்லவில்லை. இந்நிலையில் நேற்று நடைபெற்ற நேஷன்ஸ் லீக் கால்பந்து போட்டியில் குரோஷியாவுக்கு எதிராக போர்ச்சுகல் அணி 2-1 என்ற கோல் கணக்கில் வெற்றி பெற்றது.
ஆட்டத்தின் 34-வது நிமிடத்தில் கிறிஸ்டியானோ ரொனால்டோ ஒரு கோல் அடித்தார். இதன் மூலம் கால்பந்து உலகில் 900 கோல்களை அடித்த முதல் வீரர் என்ற வரலாற்று சாதனையை ரொனால்டோ படைத்துள்ளார்.
இவருக்கு அடுத்தபடியாக அர்ஜென்டினா வீரர் லியோனல் மெஸ்சி 838 கோல்கள் அடித்து 2-வது இடத்தில் உள்ளார்.
