இந்திய கிரிக்கெட் அணியின் முன்னாள் நட்சத்திர வீரர் ஷிகர் தவான், ‘மிஸ்டர் ஐசிசி’ என்ற பெயரில் ரசிகர்களால் பெரிதும் போற்றப்படுகிறார். 2010ஆம் ஆண்டு டெஸ்ட் அணியில் அறிமுகமான அவர், மிடில் ஆர்டரில் தொடக்கத்தில் சிக்கல்களில் இருந்தார். ஆனால் தோனி அவரை 2013 சாம்பியன்ஸ் டிராபி போட்டியில் ரோஹித் சர்மாவுடன் இணைந்து தொடக்க வீரராக விளையாடச் சேர்த்தார். தவான் அந்த வாய்ப்பை பயன்படுத்தி அதிக ரன்கள் அடித்து தங்க பேட் விருதை வென்று இந்திய அணிக்கு வெற்றியைக் கொடுத்தார்.
2015 உலகக் கோப்பையிலும் தவான் இந்தியா சார்பாக சிறந்த ரன்கள் பெற்றார். 2017 சாம்பியன்ஸ் தொடரிலும் அதிக ரன்கள் அடித்து மீண்டும் தங்க பேட் விருது பெற்றார். 2019 உலகக் கோப்பையில் ஆஸ்திரேலியாவுக்கு எதிரான போட்டியில் சதத்தை அடித்தபின், காயமடைந்து வெளியேறினார். அதன்பிறகு, மீண்டும் அதிரடியாக பெரிய ரன்கள் அடிப்பதில் சிக்கல் ஏற்பட்டது.
அவருக்கு போட்டியாக புதிய வீரர்கள் தோன்றினர். கேஎல் ராகுல், இசான் கிசான், சுப்மன் கில் போன்றோர் ஓப்பனிங் பேட்ஸ்மேன்களாக விளையாடி, தவானுக்கு இடம் குறைந்து போனது. 2022க்கு பிறகு குறைந்த வாய்ப்பில் விளையாடி, கடைசியில் ஓய்வை அறிவித்தார். தனது இந்திய கிரிக்கெட் பயணம் 2022 வங்கதேச ஒருநாள் தொடரில் இசான் கிசான் இரட்டை சதம் அடித்த போது முடிவுக்கு வந்தது என அவர் சொன்னார்.
தமது சுயசரிதை புத்தக வெளியீட்டு விழாவில், தவான் தனது வாழ்க்கை அனுபவங்களையும் உணர்வுகளையும் பகிர்ந்தார். அணியில் இருந்து இடம் இழந்த போது எந்த இந்திய வீரர்களிடமிருந்தும் உதவி பெறாதது அவரை அதிர்ச்சி அடைய வைத்தது. ஆனால் நண்பர்களின் ஆதரவு அவருக்கு இழப்பை சமாளிக்க உதவியது. தவான் தனது புத்தகம் வாசிக்கும் போது, வாசகர்களின் முகத்தில் புன்னகை ஏற்படும் எனவும், அதனால் அதை வாங்கி படிக்குமாறு கோரிக்கை வைத்தார்.
