சென்னை: தமிழ்நாடு விளையாட்டு மேம்பாட்டு ஆணையம் சார்பில் தமிழகம் முழுவதும் ‘முதல்வர் கோப்பை – 2024’ விளையாட்டுப் போட்டிகள் செப்டம்பர் மற்றும் அக்டோபர் மாதங்களில் நடைபெறவுள்ளது.
இதில் 12 வயது முதல் 19 வயது வரை உள்ள பள்ளி மாணவர்கள், 17 முதல் 25 வயது வரை உள்ள கல்லூரி மாணவர்கள், 15 முதல் 35 வயது வரை உள்ள பொதுப் பிரிவினர், அனைத்து வயது மாற்றுத்திறனாளிகள் மற்றும் அரசு ஊழியர்கள் கலந்து கொள்வார்கள்.
அதன்படி, மாவட்டம், மண்டலம் மற்றும் மாநில அளவில் 53 பிரிவுகளில் 5 பிரிவுகளின் கீழ் மொத்தம் 27 விளையாட்டுகள் நடத்தப்படுகின்றன. இதற்கான ஆன்லைன் முன்பதிவு ஆகஸ்ட் 4-ம் தேதி https://sdat.tn.gov.in என்ற இணையதளத்தில் தொடங்கியது.
விண்ணப்பப் பதிவுகள் ஆகஸ்ட் 25-ம் தேதியுடன் முடிவடைந்த நிலையில், முன் பதிவுக்குப் பதில் கிடைத்ததால் செப்டம்பர் 2-ம் தேதி வரை கால அவகாசம் நீட்டிக்கப்பட்டது. அதன்படி முதல்வர் கோப்பை விளையாட்டு போட்டிகளுக்கான முன்பதிவு இன்றுடன் முடிவடைகிறது.
முன்பதிவு செய்தவர்கள் மட்டுமே போட்டிகளில் பங்கேற்க முடியும். மொத்தப் பரிசு ரூ.37 கோடி என அறிவிக்கப்பட்டுள்ள நிலையில், தனிநபர் போட்டிகளில் வெற்றி பெறுவோருக்கு முதல் பரிசாக ரூ.1 லட்சமும், இரண்டாம் பரிசாக ரூ.75 ஆயிரமும், மூன்றாம் பரிசாக ரூ.50 ஆயிரமும் வழங்கப்படும்.
அதேபோல், குழுப் போட்டிகளில் முதல் பரிசாக ரூ.75 ஆயிரம், இரண்டாம் பரிசாக ரூ.50 ஆயிரம், மூன்றாம் பரிசாக ரூ.25 ஆயிரம் வழங்கப்படும். இப்போட்டிகளில் பங்கேற்கும் போட்டியாளர்கள் வழங்கப்படும் சான்றிதழ்கள் மூலம் உயர்கல்வி மற்றும் வேலைவாய்ப்பில் பயன் பெறலாம்.
