லண்டனில் உள்ள புகழ்பெற்ற ஓவல் மைதானத்தில் நடைபெற்று வரும் இந்தியா–இங்கிலாந்து அணிகளுக்கிடையிலான 5வது மற்றும் கடைசி டெஸ்ட் போட்டி பரபரப்பாக நடைபெற்று வருகிறது. தொடரில் இங்கிலாந்து 2–1 என்ற முன்னிலையுடன் இருக்க, இந்தியா இந்த போட்டியில் வென்றால்தான் தொடரை சமன் செய்யும் வாய்ப்பு உள்ளது. முதலில் பேட்டிங் செய்த இந்திய அணி 224 ரன்கள் மட்டுமே எடுத்தது. ஆனால் அதற்கு பதிலளிக்க வந்த இங்கிலாந்து 77 பந்துகளில் 92 ரன்கள் எடுத்த நிலையில் 300 ரன்கள் அடிப்பது உறுதி என நினைக்கப்பட்டது.
இந்த அபாயகரமான தருணத்தில் இந்திய பவுலர்கள் சிறப்பாக சிகிச்சை அளித்தனர். முகமது சிராஜ் மற்றும் பிரசித் கிருஷ்ணா தலா 4 விக்கெட்டுகள் வீழ்த்தினர். அதன் மூலமாக இங்கிலாந்து அணி 247 ரன்களுக்கு ஆல் அவுட் ஆகும் நிலை உருவானது. இந்தப் போட்டியில் ஜஸ்ப்ரித் பும்ரா இல்லாததால் இந்திய பவுலிங் பாதிக்கப்படும் என்று பலர் கருதியிருந்த நிலையிலும், சிராஜ் தனது பங்களிப்பால் அதனை தவிர்த்தார். அவர் தொடர்ந்து 5 போட்டிகளிலும் விளையாடி தற்போது 18 விக்கெட்டுகளைப் பதிவு செய்துள்ளார்.
சிராஜின் இந்த சாதனை அவரை இங்கிலாந்து கேப்டன் பென் ஸ்டோக்ஸை முந்தி தொடரின் அதிக விக்கெட்டுகள் வீழ்த்திய பவுலராக உருவாக்கியுள்ளது. ஆகஸ்ட் 1ஆம் தேதி இங்கிலாந்தின் முன்னாள் வீரர் கிராஹம் தோப்பின் பிறந்தநாள். அவர் 2024ஆம் ஆண்டு மறைந்தார். தோப் தனது காலத்தில் ஹெட்பேண்ட் அணிந்து விளையாடும் தனித்துவமான ஸ்டைலுக்காக பிரபலமானவர். அவரது நினைவைப் போற்றும் வகையில் இங்கிலாந்து வீரர்கள் அனைவரும் அவரது பெயர் குறிக்கப்பட்ட ஹெட்பேண்ட் அணிந்து மரியாதை செலுத்தினர்.
இந்திய அணியில் யாரும் அந்த ஹெட்பேண்டை அணியாத நிலையில், முகமது சிராஜ் மட்டும் 2வது நாள் மாலை அந்த ஹெட்பேண்டை அணிந்து தோப்புக்கு மரியாதை செலுத்தினார். அவரது இந்த செயல் இங்கிலாந்து ரசிகர்களிடம் பெரும் வரவேற்பைப் பெற்றது. சமூக வலைதளங்களில் “என்ன மனுஷன்யா!” என்று இந்திய ரசிகர்களும் அவரை பாராட்டினர். தற்போது இந்தத் தொடர் முடிவுக்கட்டத்தை நோக்கி செல்ல, இந்திய அணி 2வது இன்னிங்ஸில் 300+ ரன்கள் இலக்கை நோக்கி விளையாடி வருகிறது.
