சென்னை: சென்னை மாவட்ட வாலிபால் சங்கம் சார்பில் ஆண்களுக்கான ‘பி’ பிரிவு வாலிபால் சாம்பியன்ஷிப் மற்றும் பெண்களுக்கான வாலிபால் சாம்பியன்ஷிப் போட்டிகள் நடத்தப்படுகின்றன.
இந்த தொடர் சென்னை எழும்பூரில் உள்ள மேயர் ராதா கிருஷ்ணன் மைதானத்தில் நடைபெறுகிறது. பெண்களுக்கான போட்டி ஆகஸ்ட் 28ம் தேதி முதல் 30ம் தேதி வரையிலும், ஆண்களுக்கான போட்டி ஆகஸ்ட் 28ம் தேதி முதல் 31ம் தேதி வரையிலும் நடைபெறும்.
இந்தத் தொடரில் பங்கேற்க விரும்பும் அணிகள் சென்னை மாவட்ட வாலிபால் சங்கத்தை அணுகலாம். தொடரில் பங்கேற்கும் அணிகள் வரும் 23ம் தேதிக்குள் பதிவு செய்ய வேண்டும் என போட்டி ஏற்பாட்டாளர்கள் தெரிவித்துள்ளனர்.
